IGIHE.com > Amakuru > U Rwanda
Minisitiri w’Intebe arashima ibikorwa bya CRS mu kurwanya imirire mibi

Minisitiri w’Intebe arashima ibikorwa bya CRS mu kurwanya imirire mibi


Yanditswe kuya 15-01-2013 - Saa 13:08' na Faustin Nkurunziza

Minisitiri w’Intebe Dr.Pierre Damien Habumuremyi yashimiye Scott Campbell umuyobozi wa Catholic Relief Service (CRS) ku rwego rwa Afurika, ibikorwa bakora mu Rwanda byo guteza imbere imibereho myiza y’abaturage no kurwanya imirire mibi.

Scott Camplell ari kumwe na mugenzi we Leann Chager uhagarariye CRS mu Rwanda, kuri uyu wa Kabiri bakiriwe na Minisitiri w’Intebe Dr. Pierre Damien Habumuremyi, bagirana ibiganiro binyuranye birimo kumugezaho bimwe mu bikorwa basanzwe bakorera mu Rwanda nibyo bateganya gukomeza kuhakorera.

CRS itera inkunga imishinga minini, urugero nk’urw’umushinga USAID Higa Ubeho watangiye 2009 ukuzageza mu 2014, ukorerwa mu turere 20 ugamije guteza imbere imibereho myiza y’imiryango yahuye n’ingaruka z’agakoko gatera SIDA. CRS yatanzemo amadolari y’Amerika miliyoni eshatu n’igice. Ni umushinga munini uzatwara akayabo ka miliyoni zigera kuri 50 z’amadolari. Muri uyu mushinga hatangwa ubufasha mu buhinzi.

JPEG - 109.1 kb
Minisitiri w’Intebe, Dr Pierre Damien Habumuremyi ashima CRS guteza imbere imibereho y’abaturage mu Rwanda

Nkurunziza Innocent, Umunyamabanga mu biro bya Minisitiri w’Intebe ushinzwe imibereho myiza, yavuze ko bimwe mu biganiro Scott Campbell yagiranye na Minisitiri w’Intebe harimo gushima ibikorwa bya CRS isanzwe ikorera mu Rwanda.

Ikindi ni uko byari kumugezaho porogarame bafite mu gihugu zo guteza imbere imibereho myiza y’abaturage mu bijyanye no kwita kubuhinzi no kurwanya imirire mibi hifashishwa uturima tw’igikoni, korora kijyambere ndetse no kwigisha abaturage kwizigamira bahunika ibyo kurya no kugana ibigo by’imari.

Minisitiri w’Intebe yamushimiye ibikorwa byiza bakora, amubwira ko biri no muri gahunda za Leta zo kwita ku mibereho myiza no kurwanya imirire mibi mu bana, kandi ko ari byiza kuba baje gufasha gahunda za Leta ishishikariza abaturage nko kwita ku turima tw’igikoni, ubworozi no kugana ibigo by’imari.

Mu biro bya Minisitiri w'Intebe

Scott Camplell yavuze ko uruzinduko rwe rw’iminsi irindwi amaze mu Rwanda, yasanze ibikorwa byose bakorera mu Rwanda bigenda neza, anashima uburyo abaturage bakomeje kwiteza imbere.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO