IGIHE.com > Amakuru > U Rwanda
Minisitiri w’Intebe yemereye umuturage kumwuzuriza inzu byihuse

Minisitiri w’Intebe yemereye umuturage kumwuzuriza inzu byihuse


Yanditswe kuya 23-01-2013 - Saa 10:38' na Faustin Nkurunziza

Habimana Jean Nepomuscene utuye mu karere ka Rwamagana, Akagali ka Kimbazi yemerewe na Minisitiri w’Intebe, Dr. Pierre Damien Habumuremyi, kumwuzuriza inzu yari yaratangiye akabura amafaranga yo kuyirangiza mu gihe kitarenze ukwezi.

Minisitiri w’Intebe yemereye gutera inkunga Habimana nyuma yo gutanga ubuhamya bw’uko yabashije kwiteza imbere, ubwo bari mu gikorwa cyo gutangiza ku rwego rw’igihugu mu karere ka Rwamagana, ukwezi kw’imiyoborere myiza.

Yavuze ko imiyoborere myiza ashimira Leta ibyo yamugejejeho birimo kujya mu mashyirahamwe, na VUP yamugurije amafaranga yo kubaka.

MInisitiri w’Intebe yavuze ko nk’uko Leta y’u Rwanda isanzwe itera inkunga abaturage bayo nawe yemerewe gufashwa kurangiza iyo nzu yatangiye, ati “Nk’uko Perezida wa Repubulika asanzwe atera inkunga abaturage niyo mpamvu Habimana agomba guterwa inkunga inzu ye ikabasha kuzura mu gihe kitarenze ukwezi”.

Yavuze ko amafaranga yaguzaga mu kubaka iyo nzu, akwiriye kuyaguza ayashora mu bindi bikorwa bindi byamuteza imbere.

Habimana J. Nepumusenti, yabaga mu nzu ifite amabanti 12, ntayikwirwemo n’abana be barindwi, VUP yaje kumuguriza amafaranga ibihumbi 100, atangira kubumba amatafari, anaguramo amabati 35.

Habineza avuga ko inzu imaze gusakarwa ariko yaburaga amafaranga yo kuyuzuza neza, harimo kuyikorera amasuku no kuyishyiraho inzugi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO