IGIHE.com > Amakuru > U Rwanda
Mu Bubiligi: Umunyarwanda w’imyaka 16 ni we wishe Willy Ishimwe Karimwabo

Mu Bubiligi: Umunyarwanda w’imyaka 16 ni we wishe Willy Ishimwe Karimwabo


Yanditswe kuya 26-12-2012 - Saa 23:09' na Karirima A. Ngarambe

Nyuma y’uko i Bruxellles mu Bubiligi hiciwe umusore w’Umunyarwanda Willy Ishimwe Karimwabo tariki ya 22 Ukuboza 2012, amazina y’uwamwishe yamenyekanye.

Eric Turikunkiko uri mu maboko ya Polisi yiyemerera ko ari we wishe Ishimwe. Polisi y’u Bubiligi itangaza ko isanzwe imuzi nk’umwe mu bagize agatsiko k’inkozi z’ibibi, n’ubwo akiri munsi y’imyaka 18 (mineur) [kuko afite imyaka 16 y’amavuko].

Turikunkiko yivugira ko yari aziranye na Ishimwe, kuko ngo mbere y’uko amutera icyuma habanje kubaho ikiganiro hagati yabo bari kumwe na Ndebereho Eric hamwe n’undi musore ukomoka muri Togo wari wazanye na Willy.

Icyo kiganiro ngo cyari cyerekeranye n’amayero [euro] 20 Turikunkiko yari yagurije Ishimwe bahuriye aho bari basohokeye, batashye ngo Ishimwe yagiye gushaka amafaranga kuri mashine ya banki iri aho bita Gare Centrale mu mujyi wa Bruxelles kugira ngo yishyure Turikunkiko.

Amaze kumuhereza amayero undi ngo ntiyashimishijwe n’uko atamuhaye inyungu bari basezeranye y’amahero 10 yiyongera kuri ayo 20 bikaba 30, batangira kuvugana nabi ubwo kugeza n’aho Turikunkiko atereye icyuma Ishimwe akamwica.

Aya makuru yamenyekanye mu gihe hari abari batangiye guhwihwisa ko ibyo Turikunkiko yakoze byaba ari ukwihorera kwa Turikunkiko ku bibazo by’amoko byabaye mu Rwanda.

Ibyo kwihorera ababivuga babishingira ku kuba se wa Turikunkiko Eric [ushobora kuba yari umusirikare ku butegetsi bwa Perezida Habyarimana Juvénal] yaba yarishwe n’Inkotanyi mu 1998, icyakora nyina wa Turikunkiko yemeza ko umugabo we yapfuye mu 1994.

Inkuru nyazo zizamenyekana neza nyuma y’imanza zizayoborwa n’ubutabera bw’u Bubiligi.

Hagati aho hari amakuru avuga ko abasore n’inkumi bifuza kujya gukora urugendo rwerekana akababaro batewe n’iyicwa ry’inshuti yabo Willy Ishimwe Karimwabo, hatagize igihinduka uru rugendo rukazakorwa ku wa gatanu tariki ya 28 Ukuboza 2012.

Nyakwigendera Willy Ishimwe Karimwabo
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO