IGIHE.com > Amakuru > U Rwanda
Mugesera yahamije ko yiregura ku ijambo  rya Kabaya atavuze

Mugesera yahamije ko yiregura ku ijambo rya Kabaya atavuze


Yanditswe kuya 1-04-2013 - Saa 18:49' na Faustin Nkurunziza

Dr Léon Mugesera yongeye kugaragara yisobanura imbere y’Urukiko ku byaha ashinjwa bya jenoside bishingiye ku ijambo yavugiye ku Kabaya, ariko yakomeje kugaragaza ko nubwo yisobanura iryo jambo ataryemera nk’irye.

Ubushinjacyaha bwabajije Mugesera ubusobanuro bw’ijambo” Inyenzi” rigaruka muri disikuru ye inshuro zigera kuri 24, bunabaza kandi ubusobanuro bw’ijambo kunyuza abantu iy’ibusamu baciye muri Nyabarongo no “gutsemba”, Mugesera asubije ko igihe cyo kubisubiza kitaragera.

Mugesera yavuze ko gutsemba bisobanura ibintu byinsi n’inyito zitandukanye no mu ndimi z’amahanga, ngo ntabwo bivuze gutsemba abantu.

Mugeseara yakomeje avuga ko ijambo yavugiye ku Kabaya ryahinduwe ati “ Ikimenyetso cyashyikirijwe urukiko gikorewe” montage”, ntabwo ari umwimerere simbyemera byose kuko ari ibihimbano”.

Yabajijwe n’ubushinjacyaha n’Urukiko niba ijambo yavugiye ku Kabaya aryemera nk’irye cyangwa niba yisanisha n’uwarivuze, Mugesera asubiza ko ijambo ryo ku Kabaya, arisobanura nk’umuntu waryumvise uko riri, kandi ko atarisobanura nk’umuntu waryivugiye ku giti cye.

Yiregura ku bijyanye n’ubufatanyacyaha muri Jenoside yakorewe abatutsi 1994, yavuze ko ibyo byose atari ukuri, kandi ko ntaruhare yigeze agira na ruto mu bufatanyacyaha mu gutegura Jenoside.

Yahakanye agira ati “ Nkitangira kwiregura na mbere hose nababwiye ko nta bufatanyacyaha bubaho mu gutegura jenoside”

Ubushinjacyaha bwabajije niba bushobora kuburana n’umuntu utemera disikuru ye yivugiye, agakomeza kwisanisha n’undi muntu utazwi maze bugira buti “ Ntabwo twaje kurega umuntu utazwi uwo turega ni Dr Léon Mugesera” bwasabye ko urukiko rukwiriye gushyira ku murongo ngo bigasobanuka neza uwo baburana uwo ariwe.

Nyuma yo kumva impaka ndende ku mpande zombi Urukiko rwafashe umwanzuro wo gusubika urubanza rukazasubukurwa kuwa 2 Mata 2013 hasuzumwa ibimenyetso ku mpande zombi z’ubushinjacyaha n’uregwa.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO