Kwamamaza

Mugesera yongerewe iminsi 27 yo kwitegura urubanza

Yanditswe kuya 20-11-2012 saa 12:57' na Olivier Rubibi
     


Dr Mugesera Léon yongerewe iminsi 27 ngo akomeze kwitegura urubanza n’abamwunganira bitegure ku mwunganira uko bikwiye.
Kongererwa iminsi yo kwitegura urubanza bije nyuma yahoo ubwo yari imbere y’Urukiko Rukuru ku wa 19 Ugushyingo 2012, Mugesera yagaragarije imbogamizi yahuye nazo mu minsi 60 yari yahawe ngo asome impapuro ibihumbi 40.
Zimwe mu mbogamizi yagaragaje harimo amabwiriza yahabwaga na gereza yatumye atakaza iminsi 48 muri 60 yari yahawe yo kwitegura.
Ikindi yagaragaje ni (...)

Dr Mugesera Léon yongerewe iminsi 27 ngo akomeze kwitegura urubanza n’abamwunganira bitegure ku mwunganira uko bikwiye.

Kongererwa iminsi yo kwitegura urubanza bije nyuma yahoo ubwo yari imbere y’Urukiko Rukuru ku wa 19 Ugushyingo 2012, Mugesera yagaragarije imbogamizi yahuye nazo mu minsi 60 yari yahawe ngo asome impapuro ibihumbi 40.

Zimwe mu mbogamizi yagaragaje harimo amabwiriza yahabwaga na gereza yatumye atakaza iminsi 48 muri 60 yari yahawe yo kwitegura.

Ikindi yagaragaje ni ubukererwe bw’umwe mu banyamategeko bazamwunganira mu nkiko w’umunyakenya Otachi, wahawe uburenganzira bwo kuza kumwunganira kuwa 14 Ugushyingo 2012 na mudasobwa Mugesera yakoreshaga mu kwitegura urubanza nayo ngo ntiyakoraga neza .

Urukiko rumaze kumva impamvu Mugesera asaba kugira ngo iburanisha ry’urubanza mu mizi ryimurwe, Urukiko rwabihaye agaciro rutegeka ko urubanza rwimurirwa ku itariki ya 17 Ukuboza uyu mwaka saa mbiri za mu gitondo.

Muri izi mpamvu zose Mugesera yari yatanze kugira ngo urubanza rwimurwe, Urukiko rwahaye agaciro impamvu yo gutinda guha uzunganira Mugesera uburenganzira bwo kuza ku mwunganira, kuko uyu mwunganizi mu mategeko yahawe uburenganzira kuwa 14 Ugushyingo urukiko rwavuze ko iyi minsi ine yari ishize uzunganira Mugesera ahawe uburenganzira bwo kuza mu Rwanda, ari mike cyane ku buryo ataba amaze kwitegura.

Nyuma yo kongerera Mugesera iminsi igera kuri 27, Umushinjacyaha mukuru w’u
Rwanda Martin Ngoga, yatangarije abanyamakuru ko iyi minsi ari micye cyane
kubwabo ntacyo itwaye.

Ngoga abajijwe impamvu ari bwo bwa mbere yitabiriye urubanza ruregwamo
Mugesera, ati “ nanjye nk’umushinjacyaha mukuru numvise ari ngombwa ko najye nakwitabira uru rubanza kuko ariwo mwuga wanjye”.

Mugesera Leon aregwa icyaha cyo gukangurira Abanyarwanda gutsemba abatutsi hashingiwe cyane ku ijambo yavugiye ku Kabaya mu 1992.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved