Kwamamaza

Muhanga: Bashatse kwivugana umuntu ntibabigeraho none barafunze

Yanditswe kuya 30-01-2013 saa 18:30' na Gilbert Mwizerwa
     


Kuri sitasiyo ya Polisi ya Nyamabuye mu karere ka Muhanga hafungiwe abantu babiri bakekwaho umugambi wo gutegura kwivugana Akingeneye Alice, ku mpamvu z’urwangano rukomoka ku mitungo.
Abatawe muri yombi ni Uwitonze Emmanuel na Uzamukunda Melaniya bo mu Mudugudu wa Kamazuru, Akagari ka Gahogo mu Murenge wa Nyamabuye bakekwaho gushaka kwica Akingeneye.
Melaniya wari ugiye kwivugana Akingeneye amubereye mukase, bakaba bari bamaze igihe bafitanye imanza mu nkiko baburanaga ubutaka basigiwe na (...)

Kuri sitasiyo ya Polisi ya Nyamabuye mu karere ka Muhanga hafungiwe abantu babiri bakekwaho umugambi wo gutegura kwivugana Akingeneye Alice, ku mpamvu z’urwangano rukomoka ku mitungo.

Abatawe muri yombi ni Uwitonze Emmanuel na Uzamukunda Melaniya bo mu Mudugudu wa Kamazuru, Akagari ka Gahogo mu Murenge wa Nyamabuye bakekwaho gushaka kwica Akingeneye.

Melaniya wari ugiye kwivugana Akingeneye amubereye mukase, bakaba bari bamaze igihe bafitanye imanza mu nkiko baburanaga ubutaka basigiwe na se Akingeneye.

Ngo ubwo inzego za Polisi zafataga Uzamukunda yari amaze guha amafaranga ibihumbi 70 uwiteguraga kurushinga (fiancé) na Alice witwa Phenias kugira ngo amwivugane.

Ariko we akabihakana avuga ko yayamuhaye kugira ngo arongore Alice abereye mukase, imanza bari bafitanye z’ubutaka zibe zicwedetse.

Uwitonze Emmanuel nawe uri mu maboko ya Polisi, azira ko yacumbikiye Phenias Polisi ikeka ko yaba yaracuraga umugambi umwe na Melaniya wo kwivugana Akingeneye Alice, ariko we akabihakana avuga ko atigeze amenya icyagenzaga Uwitonze kuko yamucumbikiye gusa nk’umunyeshuri yigisha mu ishuri ryigisha amategeko y’umuhanda riri muri mujyi wa Muhanga ryitwa “Don’t worry driving school”.

JPEG - 94.2 kb
Uwitonze Emmanuel na Uzamukunda Melaniya bakekwaho gushakaga kwivugana umuntu

Kuko Polisi igikora iperereza ntiyatangaje uko yabonye amakuru ko Alice Akingeneye bari bamufitiye umugambi wo kumuhitana.

Kugeza ubu Phenias bigatuma ubushinjacyaha bukomeza kumukekaho icyaha cyo gushaka kwivugana uwo bagombaga kuzabana, Akingeneye Alice.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved