Musanze: Basanga imurikabikorwa rituma umuturage atanga ibitekerezo byo kunoza ibizakorwa

Yanditswe na Nsabimana Emile
Kuya 9 Gashyantare 2013 saa 08:33
Yasuwe :
0 0

Ihuriro ry’abafatanyabikorwa mu iterambere ry’Akarere ka Musanze, riravuga ko umunsi w’imurikabikorwa utuma buri muturage yisanga ku bafatanyabikorwa maze nyuma yo kugaragarizwa ibyo bakora akaba yashima cyangwa akagaya kugira ngo ibyo bitekerezo byubakirweho hanozwa ibizakorwa mu mwaka ukurikiyeho.
Ibi byatangajwe na pasiteri Rutikanga Gabriel, perezida w’ihuriro ry’abafatanyabikorwa mu iterambere ry’Akarere ka Musanze (JADF) ku wa kane tariki ya karindwi Gashyantare 2013 ubwo hafungurwaga (...)

Ihuriro ry’abafatanyabikorwa mu iterambere ry’Akarere ka Musanze, riravuga ko umunsi w’imurikabikorwa utuma buri muturage yisanga ku bafatanyabikorwa maze nyuma yo kugaragarizwa ibyo bakora akaba yashima cyangwa akagaya kugira ngo ibyo bitekerezo byubakirweho hanozwa ibizakorwa mu mwaka ukurikiyeho.

Gufungura imurika

Ibi byatangajwe na pasiteri Rutikanga Gabriel, perezida w’ihuriro ry’abafatanyabikorwa mu iterambere ry’Akarere ka Musanze (JADF) ku wa kane tariki ya karindwi Gashyantare 2013 ubwo hafungurwaga iminsi ibiri y’imurikabikorwa mu Karere ka Musanze. Ati “Umunsi nk’uyu utuma buri muturage yisanga ku bafatanyabikorwa akababaza ibyo bakora, akerekwa imigambi bafite ndetse akabinenga cyangwa akabishima; ibyo tukabyubakiraho kugira ngo dushobore kunoza ibyo tuzakora umwaka utaha.”

Kumurika ibikorwa n'abafatanyabikorwa

Kabagamba Deogratias, Umunyamabanga Nshingwabikorwa w’Intara y’Amajyaruguru wari muri uyu muhango, yavuze ko uyu munsi utuma abaturage bagararizwa udushya twagezweho n’abafatanyabikorwa. Ati “Ibi bituma abantu bamenya aho bageze mu mikorere, kandi bigatuma n’abafatanyabikorwa ubwabo bahura mu rwego rwo kugaragaza ibikorwa ngo abaturage babimenye.”

Bimwe mu byamuritswe n'abafatanyabikorwa

Umukozi w’umuryango mpuzamahanga wo guteza imbere abatishoboye mu bihugu 17 bya Afurika ushinzwe iterambere ry’imibereho (ACORD) mu guteza imbere ubuhinzi n’ubworozi mu Mukahabeshimana Didacienne, avuga ko umunsi nk’uyu ubaha uburyo bwo kugaragaza ibyo bakora ku batari babizi, bakanungurana ibitekerezo ku mpinduka zakorwa kugira ngo birusheho kuba byiza.

Iri murikabirwa ryitabiriwe n’abafatanyabikorwa bari mu byiciro bitatu, ari byo icy’imiyoborere myiza, icy’imibereho myiza n’icy’ubukungu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza