IGIHE.com > Amakuru > U Rwanda
Musanze: Buji yateye inkongi y’umuriro uhitana umuntu umwe

Musanze: Buji yateye inkongi y’umuriro uhitana umuntu umwe


Yanditswe kuya 30-12-2012 - Saa 09:12' na Izuba Rirashe

Mu Murenge wa Kinigi, Akagari ka Kampanga, Umudugudu wa Muhe ho mu Karere ka Musanze haraye hahiye amazu y’ubucuruzi 6 biturutse ku nkongi y’umuriro yaturutse kuri buji hapfa umuntu umwe.

Iyi nkongi y’umuriro yatangiye ku isaha ya saa ine z’ijoro ryo ku wa 28 Ukuboza rishyira ku wa 29 Ukuboza 2012, ubwo Hitimana Gregoire wari umucuruzi w’inkweto zizwi ku izina rya boda boda yafatishaga buji agahita asinzira atayijimije.

Mu kiganiro n’ikinyamakuru Izuba Rirashe, Umunyamabanga Nshingwabikorwa w’Umurenge wa Kinigi, Ruberwa Roger, yavuze ko umuriro watangiye mu ma saa yine z’ijoro ubwo Hitimana Gregoire yatahaga agafatisha buji nyuma akaza gusinzira atayijimije ikaza gufatisha matera yari aryamyeho ndetse n’inkweto yacuruzaga zigahita zifatwa.

Ruberwa akomeza avuga ko hataramenyekana agaciro k’ibintu byahiye kuko hari ibyo bakuyemo bitarashya. Inzu zahiye zari zifite agaciro ka miliyoni 30 kandi izi nzu zikaba nta bwishingizi zari zifite.

Ruberwa avuga kandi ko impamvu uyu Hitimana Gregoire yapfuye ari uko inzu yari aryamyemo ari yo yakongeje izindi kuko ari ho umuriro waturutse ukaba wari mwinshi ndetse n’umwotsi wari mwinshi ku buryo abatabaye babuze uko binjiramo ngo bamutabare.

Uku gushya kw’izi nzu kwahitanye umuntu umwe kubayeho nyuma y’uko mu Rwanda hari hamaze iminsi hashya inzu akenshi zihuriramo abantu benshi nk’utubari, utubyiniro n’izindi ariko ntizitware ubuzima bw’abantu.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO