Musanze: RGB irakangurira urubyiruko kuba umusemburo w’imiyoborere myiza

Yanditswe na Nsabimana Emile
Kuya 31 Mutarama 2013 saa 07:53
Yasuwe :
0 0

Umuyobozi w’ikigo gishinzwe imiyoborere mu Rwanda (RGB) Prof Shyaka Anastase, arakangurira urubyiruko kuba umusemburo w’imiyoborere myiza bashingira ku ndangagaciro z’ubutwari.
Ubwo yatangaga ibiganiro mu mashuri makuru ya INES Ruhengeri na ISAE Busogo kuri uyu wa gatatu tariki 30 Mutarama 2013 Prof Shyaka yasabye abanyeshuri bari bitabiriye ibi biganiro kurushaho kubumbatira indangagaciro z’imiyoborere myiza, dore ko urubyiruko ari zo mbaraga z’igihugu.
Ibi biganiro byari bigamije kuganiriza (...)

Umuyobozi w’ikigo gishinzwe imiyoborere mu Rwanda (RGB) Prof Shyaka Anastase, arakangurira urubyiruko kuba umusemburo w’imiyoborere myiza bashingira ku ndangagaciro z’ubutwari.

Ubwo yatangaga ibiganiro mu mashuri makuru ya INES Ruhengeri na ISAE Busogo kuri uyu wa gatatu tariki 30 Mutarama 2013 Prof Shyaka yasabye abanyeshuri bari bitabiriye ibi biganiro kurushaho kubumbatira indangagaciro z’imiyoborere myiza, dore ko urubyiruko ari zo mbaraga z’igihugu.

Ibi biganiro byari bigamije kuganiriza uru rubyiruko ku ntwari z’igihugu n’amateka yaziranze, ndetse no ku miyoborere myiza kuko ubu ari mu kwezi kw’imiyoborere myiza.

Prof Shyaka yagize ati “Urubyiruko rugire uruhare mu gutekereza ejo hazaza, runubakira imitekerereze yarwo ku musingi w’ubutwari, umusingi shingiro w’igihugu cyihesha agaciro, igihugu cyubaka iterambere.”

Abanyeshuri, abayobozi n’abarimu bitabiriye ibi biganiro, bavuze ko bungutse byinshi ku bijyanye n’ibi bikorwa bibiri bikababera ibisubizo kuri bimwe mu bibazo bajyaga bibaza ku ntwari n’uburyo zishyirwa mu byiciro; ndetse no ku miyoborere myiza.

Abitabiriye ibi biganiro babajije ibibazo ku munsi w’intwari n’ukwezi kw’imiyoborere myiza, basobanurirwa ko kugira ngo intwari ishyirwe mu cyiciro harebwa uburyo yitangiye abandi, n’uburyo yatekerereje igihugu ndetse n’uburyo yaharaniye izo ndangagaciro kandi akazigeraho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza