IGIHE.com > Amakuru > U Rwanda
Nduba : Abana b’imfubyi za jenoside bashyigikiwe mu bworozi bw’ingurube

Nduba : Abana b’imfubyi za jenoside bashyigikiwe mu bworozi bw’ingurube


Yanditswe kuya 13-04-2013 - Saa 03:57' na James Habimana

Abakozi ba Kompanyi ikora ibijyanye no guteza imbere ubukerarugendo binyuze mu cyo bise ‘Network marketing’, bifatanyije n’abana b’imfubyi bahuriye muri Cooperative Icyizere Nduba, mu kwibuka ku nshuro ya 19 Jenoside yakorewe Abatutsi, banabashyikiriza inkunga ingana na miliyoni 2 mu kubafasha mu bworozi bw’ingurube.

Umuyobozi Mukuru wa Diamond Holiday Travel mu Rwanda, Hakizimana Masudi yatangarije IGIHE ko bateguye iki gikorwa cyo gusura imfubyi za Jenoside, mu rwego rwo kubereka ko igihugu kibari inyuma, banabafasha mu nsanganyamatsiko y’uyu mwaka igira iti “Twibuke Jenoside yakorewe Abatutsi duharabira kwigira”, bityo avuga ko miliyoni 2 iyo kompanyi yahaye aba bana azabafasha gukomeza umushinga batangiye wo korora ingurube bivana mu bukene.

Yavuze ko n’ubwo Diamond ari Kompanyi nshya mu Rwanda, ariko biteguye gukomeza gufasha abana b’imfubyi, kuko hari benshi bakeneye guhabwa ubufasha mu Rwanda.

Nsabimana Alexis umuyobozi wa Cooperative Icyizere Nduba, avuga ko bishyize hamwe nk’abana barokotse Jenoside muri Nyakanga 2012 bose hamwe ari 50, bakaba baratangiranye ingurube 3 ubu bakaba bafite ingurube 14, bityo aya mafaranga akaba azabafasha mu kwagura ubworozi bwabo.

Maria Louise Umuyozozi wungirije ushinzwe imibereho myiza mu Karere ka Gasabo yashimye igikorwa cya Diamond agira ati “Mwe muracyita ko ari igikorwa gito mukoze, ariko ubu muba muhaye aba bana umurongo wo gukora bakiteza imbere, kandi turabizeza ko umusaruro bazavanamo tuzawubereka mu garutse kudusura.”

Abakozi ba Kompanyi ya Diamond Holiday Travel, banasuye urwibutso rwa Jenoside rwa Kigali ruri ku Gisozi, bunamira imibiri ihashyinguye irenga ibihumbi 259 banarutera inkunga ya miliyoni 2.

Abo bakozi bavuga ko bahavanye ubutumwa ko buri muntu wese akwiye gufata ingamba z’uko ibyabaye bitazongera, kandi n’abarokoitse Jenoside yakorewe Abatutsi bakwiye gukomeza gufashwa.

Abagize Diamond Holiday Travel mu Rwanda
Bamwe mu borojwe
Miliyoni 2 bahaze azafasha kongera umubare w'izi ngurube
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO