Nduba: Ibimenwa mu kimoteri byarangije igihe ni imari ishyushye

Yanditswe na Olivier Muhirwa
Kuya 13 Mata 2013 saa 04:12
Yasuwe :
0 0

Ubwo ku kimoteri cy’imyanda cy’i Nduba mu Karere ka Gasabo hamenwaga ibiribwa byatakaje ubuziranenge birimo isukari, ifarini n’amavuta, abaturage babyiniraga ku rukoma babisamira hejuru bavuga ko ari imari babonye bajya kubikoresha nk’amafunguro no kubibyaza amafaranga.
Bamwe mu baturage baganiriye na IGIHE, badutangarije ko babonye amakamyo atatu yo mu bwoko bwa FUSO amena ibi bicuruzwa byangiritse harimo isukari, amavuta n’ifarini ko ababitwaraga bajyaga kubigurisha mu bacuruzi aho babibyaza (...)

Ubwo ku kimoteri cy’imyanda cy’i Nduba mu Karere ka Gasabo hamenwaga ibiribwa byatakaje ubuziranenge birimo isukari, ifarini n’amavuta, abaturage babyiniraga ku rukoma babisamira hejuru bavuga ko ari imari babonye bajya kubikoresha nk’amafunguro no kubibyaza amafaranga.

Bamwe mu baturage baganiriye na IGIHE, badutangarije ko babonye amakamyo atatu yo mu bwoko bwa FUSO amena ibi bicuruzwa byangiritse harimo isukari, amavuta n’ifarini ko ababitwaraga bajyaga kubigurisha mu bacuruzi aho babibyaza amafaranga.

Umunyamabanga Nshingwabikorwa w’Umurenge wa Nduba, Karamuzi Godfrey yadutangarije ko atazi aho byaturutse n’urwego rwari rubihagaaiye ubwo byamenwaga atazi urwo ari rwo ,kuko nta makuru bari bahawe.

Karamuzi yavuze ko Ubuyobozi bw’Umurenge wa Nduba bwareberaga hafi imenwa ry’ibi bicuruzwa, ku buryo hari imifuka ine y’isukari abaturage bari batwaye yari itarakoreshwa.

Nyamara ubwo Umunyamakuru wa IGIHE yageraga aho ikimoteri giherereye yasanze imodoka yari ifite icyapa RAA 752 X irimo ipakurura ifarini, ariko inyinshi yanyuzwaga hirya no hino bajya kuyihisha.

Philibert Zimurinda, Umugenzuzi w’ubuziranenge bw’ibicuruzwa byinjira mu gihugu mu kigo gishinzwe gutsura ubuziranenge RBS, yadutangarije ko ibyamenwe byari iby’uruganda rwa ADMA rusanzwe rukora ibisuguti, bikaba biri muri bimwe mu byifashishwaga mu gukora ibisuguti byashaje bitari byakoreshwa.

Mu gihe ibyamenwe birimo n’isukari, muri iyi minsi ni kimwe mu bicuruzwa byabuze ku isoko, ku buryo hamwe na hamwe ikiro kigeze ku mafaranga 1,000.

Foto:Kanamugire E.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza