Kwamamaza

Ngoma: Akurikiranyweho gufata nyina ku ngufu

Yanditswe kuya 24-12-2012 saa 17:20' na Besa Besa Etienne na Olivier Muhirwa


Uyu ni umusore w’imyaka 20 y’amavuko kuri ubu uri mu maboko ya Polisi akurikitanyweho gufata nyina umubyara ku ngufu.
Uyu musore twirinze gutangaza amazina ye ku mpamvu z’umutekano wa nyina, akomoka mu Murenge wa Gashanda Akarere ka Ngoma Intara y’Iburasirazuba, kuri ubu ari kuri Station ya Polisi i Kibungo.
Uyu wakoze aya mahano ni impfura mu bana 6 babyawe n’uyu mubyeyi umaze imyaka 10 apfakaye . Mu bana bose yabyaye akaba yabanaga mu nzu imwe n’uyu musore gusa kuko abandi (...)

Uyu ni umusore w’imyaka 20 y’amavuko kuri ubu uri mu maboko ya Polisi akurikitanyweho gufata nyina umubyara ku ngufu.

Uyu musore twirinze gutangaza amazina ye ku mpamvu z’umutekano wa nyina, akomoka mu Murenge wa Gashanda Akarere ka Ngoma Intara y’Iburasirazuba, kuri ubu ari kuri Station ya Polisi i Kibungo.

Uyu wakoze aya mahano ni impfura mu bana 6 babyawe n’uyu mubyeyi umaze imyaka 10 apfakaye . Mu bana bose yabyaye akaba yabanaga mu nzu imwe n’uyu musore gusa kuko abandi bana be baba hirya no hino mu miryango.

Uko byagenze

Ahagana mu masaha ya saa mbiri zo kumugoroba wo kuwa Gatanu tariki ya 21 Ukuboza 2012 , nibwo uyu musore yatashye avuye mu kabari ageze murugo iwabo asaba ibyo kurya maze nyina amurangira aho agomba kujya kubireba, mugihe uyu musore arangije kurya yahise yerekeza mu cyumba nyina araramo nibwo yatangiye kumuganiriza amubaza uko yiriwe.

Muri ako kanya kandi uyu musore yabwiye nyina ko agiye kujya ku irondo hamwe na bagenzi be, ibi ariko ntiyahise abikora kuko yahise yicara kuburiri maze atangira gusambanya nyina umubyara kungufu nk’uko nyina ubwe yabitangarije IGIHE n’agahinda kenshi.

Uyu musore nawe yemera ko yasambanyije nyina umubyara ku ngufu, ariko akaba abisabira imbabazi akavuga ko yabitewe n’ubusinzi.

Mu gihe uyu musore ari mu maboko ya Polisi, nyina umubyara we yajyanywe ku Bitaro Bikuru bya Kibungo nga hasuzumwe harebwe niba nta ndwara yamwanduje.

Icyo polisi ivuga

Umuvugizi wa polisi mu Ntara y’Iburasirazuba Supt. Nsengiyunva Benoît atangaza ko abaturage bose bagomba kwirinda ikoreshwa ry’ibiyobyabwenge, bakirinda n’ubusinzi bakanamagana ibikorwa by’ihohoterwa byose aho biva bikagera.

Icyo yahanishwa ahamwe n’icyaha

Mugihe uyu musore iki cyaha akurikiranyweho cyaba kimuhamye nk’uko ingingo ya 197 mu gitabo cy’amategeko ahana y’u Rwanda kibiteganya, yahanishwa igifungo kiri hagati y’imyaka 7 kugeza kumyaka 10.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 10 August 2016
Copyright © 2009 -2014 - IGIHE Ltd - All Rights Reserved