Ngororero: Gusiragiza umuturage bikwiye gucika burundu

Yanditswe na Nsabimana Emile
Kuya 30 Ukuboza 2012 saa 07:56
Yasuwe :
0 0

Mu nama yateraniye ku biro by’akarere ka Ngororero igahuza abayobozi batandukanye bakorera ibigo binyuranye kandi batanga serivisi zitandukanye, bakanguriwe kwirinda umuco mubi wo gusiragiza umuturage.
Iyi nama yagaragaje ko mu nzego zinyuranye aho umuturage aba akeneye serivisi ari kenshi agenda ananizwa cyangwa agahezwa mu gihirahiro, nyamara hari abashinzwe kumufasha gukemura ikibazo afite cyangwa byaba bidakunda aho bakamuyobora k’ushinzwe kumufasha kugikemura.
Abayobozi bakanguriwe (...)

Mu nama yateraniye ku biro by’akarere ka Ngororero igahuza abayobozi batandukanye bakorera ibigo binyuranye kandi batanga serivisi zitandukanye, bakanguriwe kwirinda umuco mubi wo gusiragiza umuturage.

Iyi nama yagaragaje ko mu nzego zinyuranye aho umuturage aba akeneye serivisi ari kenshi agenda ananizwa cyangwa agahezwa mu gihirahiro, nyamara hari abashinzwe kumufasha gukemura ikibazo afite cyangwa byaba bidakunda aho bakamuyobora k’ushinzwe kumufasha kugikemura.

Abayobozi bakanguriwe kwitabira kunoza imitangire ya serivisi, bakazitanga neza kandi mu buryo bwihuse.

Iyi nama yatunze agatoki inzego z’ibanze, kwa muganga, mu bwisungane mu kwivuza, inzu zicururizwamo ibyo kurya n’ibyo kunywa ndetse no muri banki, kuba gutanga serivisi nziza bikiri inyuma.

Muri iyi nama hanagaragajwe ikibazo cy’ivuriro ryarangaranye umwana wari wariwe n’inzuki wageze kwa muganga akabura umwakira, kugeza aho bavuye aho batabonye umuganga umwakira nyuma akaza gupfa.

Abari aho bose babigaye ibyakorewe kuri iri vuriro, basaba ko abaganga nk’abo bakwiye gukurikiranwa bagahanwa n’amategeko.

Umukuru wa Polisi mu karere yagaragaje ko usibye na serivisi mbi hari n'ikibazo cya ruswa
Bamwe mu bari bitabiriye iyi nama

Muri iyi nama kandi umukuru wa Polisi mu karere ka Ngororero yatangiyemo ikiganiro ku bijyanye no kurwanya ruswa aho yagaraje ko ruswa ikiboneka hirya no hino cyane mu itangwa rya serivisi zitandukanye ubusanzwe zitagurwa, mu itangwa ry’akazi n’ahandi hatandukanye.

Ni muri urwo rwego yasabye inzego zitandukanye gufatanya bakayirwanya bivuye inyuma ikarandurwa burundu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza