Kwamamaza

Ntiwashinja ruswa nawe uyirya – Dr Habumuremyi

Yanditswe kuya 23-01-2013 saa 17:21' na Ange de la Victoire Dusabemungu
     


Ubwo Minisitiri w’Intebe, Dr Pierre Damien Habumuremyi yari ayoboye imihango y’indahiro z’abashinjacyaha bagengwa n’amasezerano kuri uyu wa Gatatu tariki ya 23 Mutarama 2013, yabasabye kurangwa n’indangagaciro z’ubunyangamugayo birinda kurya ruswa no gukora ibinyuranyije n’amategeko.
Muri uwo muhango wari witabiriwe n’abayobozi batandukanye b’ubucamanza, hakiriwe indahiro z’abantu bagera kuri 27 barimo abashinjacyaha bagengwa n’amasezerano 25, umushinjacyaha wo ku rwego rw’ibanze n’umukomiseri wo mu (...)

Ubwo Minisitiri w’Intebe, Dr Pierre Damien Habumuremyi yari ayoboye imihango y’indahiro z’abashinjacyaha bagengwa n’amasezerano kuri uyu wa Gatatu tariki ya 23 Mutarama 2013, yabasabye kurangwa n’indangagaciro z’ubunyangamugayo birinda kurya ruswa no gukora ibinyuranyije n’amategeko.

Muri uwo muhango wari witabiriwe n’abayobozi batandukanye b’ubucamanza, hakiriwe indahiro z’abantu bagera kuri 27 barimo abashinjacyaha bagengwa n’amasezerano 25, umushinjacyaha wo ku rwego rw’ibanze n’umukomiseri wo mu Nteko y’ururimi rw’ikinyarwanda.

Dr Habumuremyi yamaganye ko abashinjacyaha barya ruswa mu bucamanza bw’u Rwanda, ati” Ntago waba ushinja ruswa ngo nawe uhindukire uyirye. Byaba ari agahomamunwa uramutse uziko uzashinja umuntu kurya ruswa kandi nawe uyirya”.

Yongeye ho ati “Icyo musabwa n’ukuyitinya, kutayirya, kutayisaba, kutayihanganira ndetse no kuyishinja uwo ihama”.

Abashinjacyaha barahiriye imbere ya Minisitiri w'Intebe gutunganya akazi bashinzwe

Habumuremyi yabibukije kandi ko indahiro bakoze ari igihango bagiranye n’igihugu n’abanyarwanda muri rusange.

Ati”Mu gihe cya kera uwatatiraga igihango yarapfaga, nubwo kitakwica ubu, amategeko asimbura urupfu arahari, igihe mwakoze ibinyuranyije n’iyi ndahiro muzahanwa”.

Gakuba Zireze Olivier warahiriye umwanya w’umushinjacyaha wo ku rwego rw’ibanze yavuze ko biteguye kuzuza inshinga bahawe, buzuza n’impanuro za Minisitire w’intebe.

Gakuba ati” Hari amasomo twakuye mu ishuli hakiyongeraho n’ibyo tugenda tubona hanze. ibi byose bizadufasha guteza imbere ubutabera bw’u Rwanda”.

Mu bindi Minisitiri w’Intebe yabasabye harimo, ubwitange, kudahutaza ababagana no kubahiriza igihe, kandi bakirinda no kwitwaza igihe ngo bange kwakira ababagana.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved