Nyamirambo : Mu muganda, abaturage 200 batishoboye baguriwe Mitiweli

Yanditswe na Rene Anthere Rwanyange
Kuya 26 Mutarama 2013 saa 04:52
Yasuwe :
0 0

Mu muganda wa nyuma w’ukwezi wabereye mu murenge wa Nyamirambo, mu kagari ka Kivugiza, kuri uyu wa Gatandatu abaturage bifatanyije n’Ihuriro ry’abanyamadini rikorera mu karere ka Nyarugenge, bakoze isuku ahatoraguwe amasashi, hakurwaho ibigunda. Nyuma y’icyo gikorwa abaturage batishoboye bagera kuri 200 baguriwe Mitiweli.
Nyuma y’umuganda Umunyamabanga Nshingwabikorwa w’Umurenge wa Nyamirambo, Nkurunziza Alexis, yagaragaje ko iki gikorwa kibaye mu kwezi kw’Imiyoborere myiza aho inzego (...)

Mu muganda wa nyuma w’ukwezi wabereye mu murenge wa Nyamirambo, mu kagari ka Kivugiza, kuri uyu wa Gatandatu abaturage bifatanyije n’Ihuriro ry’abanyamadini rikorera mu karere ka Nyarugenge, bakoze isuku ahatoraguwe amasashi, hakurwaho ibigunda. Nyuma y’icyo gikorwa abaturage batishoboye bagera kuri 200 baguriwe Mitiweli.

Nyuma y’umuganda Umunyamabanga Nshingwabikorwa w’Umurenge wa Nyamirambo, Nkurunziza Alexis, yagaragaje ko iki gikorwa kibaye mu kwezi kw’Imiyoborere myiza aho inzego z’ubuyobozi zirimo gukorana n’abaturage mu gukemura ibibazo bibugarije, kandi hakaba hatangijwe icyumweru cyo kurwanya ibiyobyabwenge mu murenge wa Nyamirambo.

Abaturage bongeye gushishikarizwa kwitabira gahunda y’ubwisungane mu kwivuza, abatarariha amafaranga bakabikora mu buryo bwihutirwa, abarishye bakajya gushaka amakarita yabo kuko umuntu aba afite mitiweli iyo yahawe ikarita y’Umunyamuryango.

Nkurunziza yibukije abamaze kwishyura gutangira kuzigamira umwaka utaha uzatangira mu kwezi kwa Nyakanga. Akaba ari no muri urwo rwego mitiweli 200 zatanzwe na Bethlehem Miracle Church kugira ngo hafashwe abaturage batishoboye batarabona ubwishingizi mu kwivuza.

Nzeyimana Innocent Umuhuzabikorwa w’Ihuriro ry’abanyamadini mu karere ka Nyarugenge yatangaje ko irihuriro rifite ibindi bikorwa bitandukanye bakaba bagiye gufatanya n’ubuyobozi bw’akarere mu kurwanya ibiyobyabwenge, kandi bakagira uruhare no muri gahunda zijyanye n’imibereho myiza y’abaturage.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza