IGIHE.com > Amakuru > U Rwanda
Nyampinga wa Kaminuza Nkuru y’u Rwanda arategura ubukwe bw’igitaraganya

Nyampinga wa Kaminuza Nkuru y’u Rwanda arategura ubukwe bw’igitaraganya


Yanditswe kuya 18-02-2013 - Saa 12:44' na Richard Irakoze

Amakuru agoranye kwemeza ukuri kwayo kuko uwo avugwaho ayahakana, aravuga ko Nyampinga wa Kaminuza Nkuru y’u Rwanda 2012 Isimbi Deborah Abiellah w’imyaka 21 atwite inda y’imvutsi yatewe n’umusore bigana muri Kaminuza, ari na yo mpamvu yaba ari gutegura ubukwe atifuza ko bumenyekana.

Miss Isimbi we ibi arabihakana, akavuga ko bisigaye bimenyerewe ko iyo umuntu ategura ubukwe abantu bahita bavuga ko atwite.

Uretse kuba acyambaye ikamba rya Nyampinga wa Kaminuza 2012 yambitswe mu muhango wabaye ku ya 21 Mutarama 2012, Isimbi yanagaragaye mu marushanwa ya Miss Rwanda 2012. Ni umwana kandi w’umuvugabutumwa uzwi cyane mu Rwanda, Rutayisire Antoine.

Aya makuru yo gutwita kwe yemezwa n’abakurikiranira hafi iby’umubano we n’uyu musore witwa Safari Bryan, abanyeshuri bigana n’abaturanye na Safari bahamya batanga ibimenyetso by’uko Isimbi atwite.

Izi nshuti za hafi za Isimbi zivuga ko atakijya mu ishuri, kandi ko ngo igihe cye kinini akimara aryamye agatembera mu masaha y’ijoro gusa.

Zinavuga ko ngo iyo agiye mu ruhame akunda kuba yambanye imyenda minini kandi irekuye cyane, bakemeza ko ari mu rwego rwo guhisha inda.

Aganira na IGIHE ariko, Nyampinga Isimbi yahakanye aya makuru avuga ko ari ibihuha. Ati “Umuntu wese muri iki gihe ubwiye ngo ‘Ngiye gukora ubukwe’ ahita avuga ngo uratwite. Ariko si byo n’ababivuga sinzi ahantu babikura.”

Isimbi Deborah Abiellah ubwo yarimo yiyamamariza kuba Miss Rwanda mu mwaka ushize

Isimbi avuga ko n’ubwo atarasimburwa ku kuba Nyampinga igihe cye cyo kwambara ikamba rya Nyampinga cyarangiye kandi ko n’ubuyobozi bw’abanyeshuri muri Kaminuza Nkuru y’u Rwanda bubizi.

Mu mwaka w’2012 uwabaye Nyampinga w’u Rwanda muri 2009 Bahati Grace (utari warigeze asimbuzwa) yatewe inda n’umuhanzi K8 Kavuyo ariko babanza kubihakana mu itangazamakuru. Byaje kwemezwa n’uko mu gihe gito baje kwibaruka umwana w’umuhungu.

Imyitwarire ya ba Nyampinga muri iyi myaka ntiyagiye iba myiza. Uwari Nyampinga wa Umutara Polytechnic Bukiza Ange Pascale mu mpera z’umwaka ushize wa 2012, yahawe igihano cyo kumara umwaka atiga (suspension) avugwaho kunyereza amafaranga ibihumbi 200 y’inkunga yagombaga gufashishwa abanyeshuri b’abakene muri iri shuri.

Isimbi wambaye ikanzu itukura ahagararanye n'ababyeyi be umunsi yegukanaga ikamba rya Nyampinga wa Kaminuza Nkuru y'u Rwanda mu ntangiriro z'umwaka ushize
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO