Kwamamaza Tigo_ digital garden

Nyamyumba: Ubujura bukabije bwo gutobora amazu

Yanditswe kuya 5-02-2013 saa 09:02' na IGIHE
     


Abaturage batuye mu tugari twa Munanira na Rubona two mu murenge wa Nyamyumba mu karere ka Rubavu bahangayikishijwe n’abajura ba nijoro batobora amazu bakiba imitungo yabo. Ibi babitangarije Imvaho Nshya nyuma y’aho abo bajura bibye mu tugari twa Munanira na Rubona mu murenge wa Nyamyumba.
Ubu bujura bwo gutobora amazu mu murenge wa Nyamyumba bumaze gutera intera ku buryo mu kagali kamwe hashobora kwibwa mu ngo eshanu mu ijoro rimwe, kandi ntihagire ufatwa. N’iyo abaturage bari ku marondo (...)

Abaturage batuye mu tugari twa Munanira na Rubona two mu murenge wa Nyamyumba mu karere ka Rubavu bahangayikishijwe n’abajura ba nijoro batobora amazu bakiba imitungo yabo. Ibi babitangarije Imvaho Nshya nyuma y’aho abo bajura bibye mu tugari twa Munanira na Rubona mu murenge wa Nyamyumba.

Ubu bujura bwo gutobora amazu mu murenge wa Nyamyumba bumaze gutera intera ku buryo mu kagali kamwe hashobora kwibwa mu ngo eshanu mu ijoro rimwe, kandi ntihagire ufatwa. N’iyo abaturage bari ku marondo bashoboye gutabara baneshwa n’ibisambo kuko biba byitwaje intwaro, umwe akaba yaratemwe n’ibi bisambo, nk’uko umwe mu bibwe yabitangarije Imvaho Nshya.

Yavuze ko mu ijoro ryo ku wa 26 Mutarama 2013 ubwo abajura bashakaga kwiba ku rusengero rwa ADEPR Rubona mu kagari ka Rubona mu murenge wa Nyamyumba bateshejwe n’abazamu ndetse n’abandi baturage babashije gutabara, umwe muri bo yatewe icyuma n’ibyo bisambo. Kugeza ubu, aba bajura bafite uburyo bwayobeye abibwa, ngo kuko batumva ukuntu babasinziriza ntibabumve.

Umunyamabanga nshingwabikorwa w’akagali ka Rubona Madamu Banzekurivaho Joseline, yavuzeko bagerageza gufatanya n’inzego z’umutekano mu guhashya abo bajura n’ubwo hari ababaca mu rihumye, cyane ko baba bavuye mu wundi murenge bahana imbibe n’uwabo wa Nyamyumba. Abajura bikaba bivugwa n’uyu muyobozi ko baba bavuye mu murenge wa Rugerero.

Imvaho Nshya yavuganye n’umuvugizi wa Polisi mu ntara y’iburengerazuba Sup. Urbain Mwiseneza ku ngamba bafatira ubwo bujura, avuga ko bagiye gukaza amarondo hagamijwe gukumira ubwo bujura.

Ubu bujura bwari bwarayogoje abaturage ba Nyamyumba bwari bwaragabanyutse nyuma y’aho abaturage bafatanyije n’inzegoz’umutekano bari barabihagurukiye kuva mu ntangiriro za 2012. Ibyo aba bajurabiba cyane, ni za TV n’ibindi bijyana nazo.

Imvaho Nshya

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved