Nyanza: Abahejejwe inyuma n’amateka bambuwe isambu none batunzwe no kubumba

Yanditswe na Nsabimana Emile
Kuya 28 Ukuboza 2012 saa 03:37
Yasuwe :
0 0

Abahejejwe inyuma n’amateka bo mu mudugudu wa Kavumu mu kagari ka Nyamagana mu murenge wa Busasamana mu karere ka Nyanza, bavuga ko babayeho mu buzima bugoye kuko ngo ntaho bafite ho guhinga bitewe n’uko isambu yari iyabo yubatswemo umudugudu ntibahabwe ingurane.
Bavuga ko ubu batunzwe no kubumba inkono no guca inshuro, icyakora umuyobozi w’akarere ka Nyanza Murenzi Abdallah we akavuga ko hari ubufasha bagenerwa bujyanye n’amikoro y’akarere.
Umwe mu bahejejwe inyuma n’amateka agaragaza ko we (...)

Abahejejwe inyuma n’amateka bo mu mudugudu wa Kavumu mu kagari ka Nyamagana mu murenge wa Busasamana mu karere ka Nyanza, bavuga ko babayeho mu buzima bugoye kuko ngo ntaho bafite ho guhinga bitewe n’uko isambu yari iyabo yubatswemo umudugudu ntibahabwe ingurane.

Bavuga ko ubu batunzwe no kubumba inkono no guca inshuro, icyakora umuyobozi w’akarere ka Nyanza Murenzi Abdallah we akavuga ko hari ubufasha bagenerwa bujyanye n’amikoro y’akarere.

Umwe mu bahejejwe inyuma n’amateka agaragaza ko we na bagenzi be batuye mu mudugudu wa Kavumu ubuzima babayemo bugoye, bitewe n’uko ntaho bafite bashobora guhinga nyuma y’uko umuzungu witwa Heni yubatse umudugudu mu isambu yari iyabo.

Bavuga ko batahawe ingurane y’ubu butaka, bakaba batunzwe no guca inshuro hamwe no kubumba inkono.

Umuyobozi w’Akarere ka Nyanza, Murenzi Abdallah, avuga ko abaturage batishoboye muri rusange bahabwa inkunga, bityo n’aba bagaragara ko bahejejwe inyuma n’amateka bakaba ngo bagenerwa inkunga hagendewe ku bushobozi n’amikoro by’Akarere.

Abahejejwe inyuma n’amateka batuye mu mudugudu wa Kavumu barenga imiryango 50.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza