Kwamamaza Tigo_ digital garden

Nyarugenge: Abari ku Rugerero mu gusobanura inyito z’ibyapa

Yanditswe kuya 30-01-2013 saa 16:33' na Faustin Nkurunziza
     


Abasore n’inkumi 1832 bari ku Rugerero mu Karere ka Nyarugenge, barasobanurira abaturage inyito shya z’ibyapa biri ku mihanda yo mu mujyi wa Kigali n’ibijyanye na nimero nshya zizajya ku nzu muri uyu mwaka wa 2013.
Masengesho Felix, Umunyamabanga Nshingwabikorwa w’Umurenge wa Nyarugenge, avuga ko bashatse kwifashisha Intore ziri ku Rugerero ngo zimenyekanishe inyito nshya z’ibyapa biranga icyerekezo cy’imihanda n’uduce runaka, kuko ngo basanga ari ngombwa ko abaturage babisobanurirwa.
Avuga ko (...)

Abasore n’inkumi 1832 bari ku Rugerero mu Karere ka Nyarugenge, barasobanurira abaturage inyito shya z’ibyapa biri ku mihanda yo mu mujyi wa Kigali n’ibijyanye na nimero nshya zizajya ku nzu muri uyu mwaka wa 2013.

Masengesho Felix, Umunyamabanga Nshingwabikorwa w’Umurenge wa Nyarugenge, avuga ko bashatse kwifashisha Intore ziri ku Rugerero ngo zimenyekanishe inyito nshya z’ibyapa biranga icyerekezo cy’imihanda n’uduce runaka, kuko ngo basanga ari ngombwa ko abaturage babisobanurirwa.

Avuga ko ibyo byapa hari benshi batarabasha gusobanukirwa n’icyo bivuga, ari na yo mpamvu uru rubyiruko ruzabibafashamo. Ati “Hari abatabasha gusobanukirwa n’amagambo yanditseho nka KN, KN AV na KN ST.”

Twanaboneyeho umwanya wo gusobanuza Masengesho icyo bimwe mu byapa bivuga, atubwira ko KN bisobanura “Kigali Nyarugenge”, KN AV bikavuga “Kigali Nyarugenge, umuhanda uva kuri Rond point”. Icyapa cyanditseho KN ST bivuga “Umuhanda winjira muri ‘quartier’ uvuye kuri ‘avenue’.

Avuga ko uru rubyiruko ruzanasobanurira abaturage ibijyanye na nimero nshya zizashyirwa ku nzu muri uyu mwaka. Izi nomero zizashyirwaho hakurikijwe umuhanda urwo rugo ruriho, ngo bikazafasha abaturage kuko mbere wasangaga hari abayobagurikaga.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved