IGIHE.com > Amakuru > U Rwanda
Nyarugenge : Umuyobozi w’Akarere yasabye irangizwa ry’imanza za Gacaca

Nyarugenge : Umuyobozi w’Akarere yasabye irangizwa ry’imanza za Gacaca


Yanditswe kuya 13-04-2013 - Saa 03:47' na IGIHE

Mukasonga Solange kuri uyu wa Gatanu tariki ya 12 Mata ubwo hashyingurwaga mu cyubahiro Imibiri 11 y’inzirakarengane zishwe muri Jenoside yakorewe Abatutsi mu 1994 ku rwibutso rwa Kigali ku Gisozi, yasabye ko imanza zaciwe na Gacaca zarangizwa.

Umuyobozi w’ Akarere yagaragaje ko mu rwego rwo gukomeza guha abacitse ku icumu rya Jenoside ubutabera no kubafasha gukomeza kwiyubaka, imanza zaciwe na Gacaca zikwiye kurangizwa abasabwe gutanga indishyi bakazitanga, abadafite ubushobozi bwo kwishyura bagashyirwa mu mirimo ifitiye igihugu akamaro (TIG), bagakora ibingana n’ibyo bangije.

Abaturage b’Umurenge wa Kanyinya bongeye gusabwa kuvugisha ukuri kubyabaye muri Jenoside, kuko usanga bibabaje ko kugeza nubu hari imibiri igitoragurwa mu ntoki z’abaturage bahingamo uyu munsi, kandi Jenoside yarabaye batuye ariko kugeza n’ubu ugasanga badatanga amakuru kuri iyo mibiri.

Uhagarariye abacitse ku icumu Nsengiyumva Emmanuel yongeye kugaragaza ko kuvuga aho imibiri iri ntaho bihuriye no kugira uruhare mu kwica abishwe, asaba abaturage kuruhura imitima y’abacitse ku icumu rya Jenoside ikiboshywe kugeza ubu, no kuba batarashyingura mu cyubahiro imibiri y’abavandimwe babo bishwe.

Mubuhamya bwatangiwe muri iki gikorwa, abacitse ku icumu bashimiye Leta y’Ubumwe b’Abanyarwanda aho yabakuye ikabaha guhagarara no kumva ko bafite Igihugu, ari nabyo bibahaye ishema uyu munsi bakaba bakomeje kwiyubaka.

Kuri uyu munsi hashyinguwe imibiri 11 muri yo icyenda ikaba ari iy’abantu bo mu muryango umwe, undi umwe ukaba utaramenyekanye naho undi ukaba uw’umuntu wari wahungiye muri Kanyinya avuye mu Mbogo.

Iki gikorwa cyo gushyingura mucyubahiro kikaba cyarabanjirijwe n’urugendo rwakozwe kuwa 11 Mata, amasengesho yo gusabira abishwe ndetse n ijoro ryo kwibuka ryabereye ku Murenge wa Kanyinya.

Bamwe mu bashyinguwe

Serugendo Jean de Dieu Ushinzwe Itangazamakuru mu Karerere ka Nyarugenge

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO