IGIHE.com > Amakuru > U Rwanda
Nyarugenge: Yatawe muri yombi afatanywe amafaranga y’amiganano

Nyarugenge: Yatawe muri yombi afatanywe amafaranga y’amiganano


Yanditswe kuya 27-01-2013 - Saa 09:17' na James Habimana

Polisi yataye muri yombi umugabo witwa Twagirumukiza Laurent w’imyaka 21 nyuma yo gufatanwa amafaranga arenga ibihumbi 38 mu Karere ka Nyarugenge.

Twagirumukiza Laurent, utuye mu Murenge wa Nyamirambo, Akagari ka Mumena, yatangiye gukekwaho icyaha cyo gukora amaze kwishyura umumotari amafaranga ibihumbi bibiri, bigatahurwa ko izo noti ari inziganano.

Urubuga rwa Polisi dukesha iyi nkuru ruvaga ko nyuma yo kubona ko yatahuwe n’uyu mu motari, Twagirimana ngo yakomeje kumwumvisha ko ashobora kuba yayahawe n’abandi, bumvikana ko ajya kuri sitasiyo ya lisansi yari bugufi ngo ayavunjishe. Ahageze ikibazo kirakomera kuko yahatanze andi mafaranga nayo bagasanga ari amakorano.

Ako kanya abari aho bafashe umwanzuro wo gusaka uwo mugabo bamusangana aya mafaranga arenga ibihumbi 38 yose y’amakorano.

Umuyobozi wa Polisi mu karere ka Nyarugenge, Supt Dismas Rutaganira, yatangaje ko iperereza rikomeje mu rwego rwo kureba ko hari abandi bafatanyije nawe mu guhimba amafaranga.

Yakomeje avuga ko abakora ibi bikorwa, bidashobora kuramba kuko ngo abaturage bose bamaze kumenya amafaranga y’amakorano.

Ingingo ya 604 y’igitabo cy’amategeko ahana y’u Rwanda, iteganya ko Twagirumukiza Laurent aramutse ahamwe n’icyaha, yahanishwa igifungo kiri hagati y’umwaka umwe n’imyaka itatu.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO