00:00:00 IGIHE NETWORK KN KINYARWANDA EN ENGLISH FR FRANCAIS

Perezida Kagame arasaba abarangije muri Agahozo kubakira ku bumenyi bahawe

Yanditswe na

Marie Chantal Nyirabera

Kuya 10 Mutarama 2013 saa 06:20
Yasuwe :
0 0

Umukuru w’igihugu Paul Kagame, arasaba abanyeshuri 118 barangije mu ishuri ryigamo abana b’imfubyi za Jenoside yakorewe Abatutsi, Agahozo Shalom Youth Village, kudapfusha ubusa ubumenyi bahawe kuko ari itangiriro ryo kubakiraho ubuzima bwabo bw’ejo heza hazaza.
Ubwo kuri uyu wa 10 Mutarama 2013 Perezida Kagame yari mu muhango wo guha impamyabumenyi aba banyeshuri, yagize ati “Iki kigo cyerekana amateka twanyuzemo, kikerekana ejo heza h’igihugu twifuza.”
Perezida Kagame yavuze ko ari (...)

Umukuru w’igihugu Paul Kagame, arasaba abanyeshuri 118 barangije mu ishuri ryigamo abana b’imfubyi za Jenoside yakorewe Abatutsi, Agahozo Shalom Youth Village, kudapfusha ubusa ubumenyi bahawe kuko ari itangiriro ryo kubakiraho ubuzima bwabo bw’ejo heza hazaza.

Ubwo kuri uyu wa 10 Mutarama 2013 Perezida Kagame yari mu muhango wo guha impamyabumenyi aba banyeshuri, yagize ati “Iki kigo cyerekana amateka twanyuzemo, kikerekana ejo heza h’igihugu twifuza.”

Perezida Kagame yavuze ko ari ikimenyetso gihuza amateka n’aho igihugu kigana, abwira abanyeshuri barangije amasomo ko umusanzu wabo ukenewe mu gukoresha ubumenyi bahawe kugira ngo u Rwanda ruhinduke neza.

Aba banyeshuri bavuga ko ubu bafite icyizere cy’ubuzima bwiza. Umuhoza Martine, umwe mu barangije wigaga mu ishami ry’ imibare, ibinyabuzima n’ubutabire muri Agahozo Shalom Youth Village.

Ati “Tuhavanye byinshi. Twize amasomo y’ubuzima busanzwe, batwigisha n’ayo mu ishuri kandi twiga n’imyuga itandukanye. Njye na bagenzi banjye dufite ikigo cy’ishoramari cya ‘The Amigoes Bright Destiny’. Twihangira imirimo tukiri hano. Ubu ni twe tugemurira ikigo ibikoresho by’ibanze, amasabune, imyenda n’ibindi bikoresho.”

Avuga ko ibi babikesha ishuri Agahozo ryababaye hafi rikabarera, rikabasubiza mu buzima bwiza.

Ibi anabihuriyeho na Niyigena Aimée Patient warangije muri iri shuri, ugira ati “Twize ibintu bitandukanye birimo amasomo y’ishuri, amasomo yo mu buzima busanzwe no kubaho no kwiyakira; twahawe ubumenyi mu mikino itandukanye n’indi myuga yo gushushanya, kuririmba n’ibindi.”

Sharon Haba, Umunyamabanga Uhoraho muri Minisiteri y’Uburezi, yavuze ko bazakomeza ubufatanye mu burezi; ashimira icyizere bagaragaje kuko babonye ko ubumenyi bahawe bugaragaza icyizere ku rubyiruko no kuri ejo habo hazaza.

Anne Heyman washinze Agahozo Shalom Youth Village, yavuze ko nta ko bisa gukorana n’u Rwanda kuko abana bareze bahawe uburere n’indangagaciro.

Ishuri Agahozo Shalom Youth Village ryatangiye mu 2008, rikaba ryakira abana 125 buri mwaka aho rifite abanyeshuri 500. Aba banyeshuri biga imyaka ine, umwaka umwe bawuhabwamo amasomo yo kubasubizamo icyizere (counseling), itatu isigaye bakayigamo icyiciro cya kabiri cy’amashuri yisumbuye. Riherereye mu karere ka Rwamagana, Umurenge wa Rubona.

JPEG - 145.1 kb
Perezida Kagame ageze mu Murenge wa Rubona
JPEG - 128.2 kb
Agahozo kahaye Perezida impano igaragaza icyerekezo cyiza yahaye igihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .