Kwamamaza

Perezida Kagame na Denis Sassou-N’guesso baganiriye no kuri M23

Yanditswe kuya 26-11-2012 saa 08:02' na Mathias Hitimana
     


Mu ruzinduko rw’akazi Perezida wa Congo Brazzaville, Denis Sassou-N’guesso, yagiriye mu Rwanda, yaganiriye na mugenzi we Perezida Paul Kagame ku mubano uri hagati y’ibihugu byombi, banaganira ku kibazo cy’umutekano muke uri mu Burasirazuba bwa Leta ya Congo Kinshasa, aho umutwe wa M23 uri gucunga umujyi wa Goma.
Mu itangazo Leta y’u Rwanda yasohoye , rivuga ko Perezida Kagame na Perezida Denis Sassou-N’guesso baganiriye byimbitse ibirebana n’umubano w’ibihugu byombi ariko bakanareba ku (...)

Mu ruzinduko rw’akazi Perezida wa Congo Brazzaville, Denis Sassou-N’guesso, yagiriye mu Rwanda, yaganiriye na mugenzi we Perezida Paul Kagame ku mubano uri hagati y’ibihugu byombi, banaganira ku kibazo cy’umutekano muke uri mu Burasirazuba bwa Leta ya Congo Kinshasa, aho umutwe wa M23 uri gucunga umujyi wa Goma.

Mu itangazo Leta y’u Rwanda yasohoye , rivuga ko Perezida Kagame na Perezida Denis Sassou-N’guesso baganiriye byimbitse ibirebana n’umubano w’ibihugu byombi ariko bakanareba ku bibazo mpuzamahanga.

Ku bibazo mpuzamahanga, mu ruzinduko rwa Denis Sassou-N’guesso, itangazo rigaragaza ko baganiriye ku kibazo cy’umutekano muke uri mu Burasirazuba bwa Congo, bashima imyanzuro y’abakuru b’ibihugu byo mu karere k’Ibiyaga Bigari iheruka kubera i Kampala, bahamagarira Leta ya Congo Kinshasa n’umutwe wa M23 kubahiriza imyanzuro yavuye muri iyo nama mu gukemura amakimbirane.

Mu myanzuro yafatiwe i Kampala, harimo no gusaba ko umutwe wa M23 uri kugenzura umujyi wa Goma, uwusohokamo vuba na bwangu.

Usibye umutwe wa M23, ibiganiro bya Perezida Kagame na Perezida Denis Sassou-N’guesso, bagaragaje ko na none ari ngombwa gucukumbura impamvu z’imitwe yitwaje intwaro ikorera mu Repuburika Iharanira Demukarasi ya Congo, kugira ngo bizashakirwe igisubizo gihamye ku mutwe umwe ku w’undi.

Perezida Denis Sassou-N’guesso yagaragaje ko n’ibiganiro biheruka kuba hagati ya Perezida Kagame w’u Rwanda, Kabila wa Congo Kinshasa na Museveni wa Uganda, ko ari intambwe yo kubaka icyizere hagati ya Leta ya Congo Kinshasa n’ iy’ibihugu bituranye.

Perezida Denis Sassou-N’guesso yasoje uruzinduko rwe mu Rwanda ku Cyumweru tariki ya 25 Ugushyingo 2012.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved