Kwamamaza

Perezida Kagame yafatanyije n’abaturage ba Masaka gutera ibiti no kurwanya isuri

Yanditswe kuya 25-11-2012 saa 08:15' na Marie Chantal Nyirabera
     


Mu muganda wo mu mpera z’ukwezi, Perezida Paul Kagame yafatanyije n’abaturage bo mu Murenge wa Masaka, Akarere ka Kicukiro gutera ibiti bisaga ibihumbi umunani, basibura imirwanyasuri, banakorera ibiti biteye ku buso bwa hegitari 20 z’ishyamba rya Leta.
Umukuru w’igihugu yatangaje ko umuganda umaze kuba umuco, umuntu atagomba kwibutswa gukora ibimufitiye akamaro.
Yagaragaje ko Abanyarwanda bagomba gukomeza kwiyitaho mu kwiha agaciro barwanya umwanda .. Ati ”Ni yo mpamvu dushaka kwivanaho (...)

Mu muganda wo mu mpera z’ukwezi, Perezida Paul Kagame yafatanyije n’abaturage bo mu Murenge wa Masaka, Akarere ka Kicukiro gutera ibiti bisaga ibihumbi umunani, basibura imirwanyasuri, banakorera ibiti biteye ku buso bwa hegitari 20 z’ishyamba rya Leta.

Umukuru w’igihugu yatangaje ko umuganda umaze kuba umuco, umuntu atagomba kwibutswa gukora ibimufitiye akamaro.

Yagaragaje ko Abanyarwanda bagomba gukomeza kwiyitaho mu kwiha agaciro barwanya umwanda .. Ati ”Ni yo mpamvu dushaka kwivanaho ibyo byose, dushaka kwivanaho ubukene, ubujiji, umwanda, tugasukura aho dutuye, aho dukorera n’aho tuba. Tugasukura imibiri yacu, bikaba umuco ntitubyibutswe. Ni byo biduha agaciro bikanagaha igihugu cyacu.”

Yagaragaje ko umuganda ufasha Abanyarwanda kumenya ibyo gukora, kugira ubuzima bwiza, umutekano, amahoro, amajyambere, no kubaho neza.

Ati ”ntabwo twakwicara ngo turambye dutegereze uzatugezaho ibyo dukeneye. Tugomba gufata iya mbere. Ntabwo dukwiye gutegereza uzabitugezaho wundi, azava he? Murashaka ko Imana yabahaye igihugu, ikabarema ibaha ubwenge, amaboko… murashaka ko iza ikabahingira, ikabasarurira, ikabagaburira? Ibyo se bibaho? Ibyo si ukugondoza Imana?”

Muri uyu muganda, abaturage bo mu murenge wa Masaka bamushimiye kuba barubakiwe ibitaro, kuri ubu bakaba bivuza, ababyeyi bakabyarirayo batagombye kujya ku bitaro bikuru bya Kigali n’ibya Gisirikari i Kanombe. Banamushimiye ko babonye amazi, umuriro umaze kugera henshi, bishimira n’ibindi bikorwa remezo bagejejweho.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved