IGIHE.com > Amakuru > U Rwanda
Perezida Kagame yunamiye intwari z’igihugu

Perezida Kagame yunamiye intwari z’igihugu


Yanditswe kuya 1er-02-2013 - Saa 15:05' na Olivier Rubibi

Ubwo hizihizwaga intwari z’igihugu ku nshuro ya 19 kuri uyu wa mbere Gashyantare 2013, Perezida Paul Kagame yashyize indabo ku mva zishyinguyemo intwari.

Perezida Kagame yunamira Intwari z'u Rwanda

Ahagana saa tanu n’igice za mu gitondo ni bwo Perezida Kagame yari ageze ku irimbi rishyinguyemo intwari i Remera mu Mujyi wa Kigali. Nyuma yo kurimba indirimbo yubahiriza igihugu yashyize indabo ku mva, hakurikiraho indirimbo zo guha icyubahiro intwari z’u Rwanda zashyinguwe mu irimbi ry’intwari.

Bamwe mu bandi bayobozi bakuru bitabiriye Umunsi w'Intwari

Muri uyu mwaka insanganyamatsiko y’umunsi w’intwari igira iti “Ubutwari ni ishingiro ry’agaciro n’amajyambere.”

Nyuma y’uyu muhango Minisititi Mitari Protais w’umuco na siporo yabwiye abanyamakuru ko gutera imbere bisaba ko uba ufite igikorwa cy’indashyikirwa ari na byo intwari zishyinguye i Remera zakoze, absaba Abanyarwanda gukora bazirikana ubutwari. Ati “Abanyarwanda bose baharanire kugira ubutwari mu byo bakora.”

Haririmbwe indirimbo zivuga ku ntwari z'igihugu

Irimbi ry’intwari rishyinguyemo intwari ziri mu byiciro bitatu, Imena , Imanzi n’Ingenzi.

Mu Mena hashyinguye Bizimana Sylvestre, Mujawamariya Chantal, Mukambaraga Beatrice,Niyitegeka Felicite,Uwiringiyimana Agathe, Rwagasana Michel, Umwami Mutara wa III Rudahigwa.

Ku irimbi ry'Intwari i Remera

Mu Manzi hashyinguye Maj Gen Fred Gisa Rwigema n’umusirikare utazwi.

Imva y'intwari ya Maj Gen Gisa Rwigema

Intwari z’u Rwanda kandi zazikirikanwe mu gihugu hose, mu birori byabereye ku rwego rwa buri mudugudu. Ni umunsi wabaye ukurikira ibiganiro byagiye bikorwa ahantu hatandukanye, Abanyarwanda cyane cyane urubyiruko basobanurirwa ubutwari n’ibyo intwari z’u Rwanda zakoze.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO