Price water house coopers yatanze arenga miliyoni eshatu mu kigega Agaciro

Yanditswe na Nsabimana Emile
Kuya 9 Gashyantare 2013 saa 01:55
Yasuwe :
0 0

Umushinga price water house coopers ufasha mu gutanga ubwishingizi bwa za serivisi no kugira inama abasora, watanze inkunga mu kigega Agaciro Development Fund ingana na miliyoni eshatu n’ibihumbi 225 mu mafaranga y’u Rwanda ku wa gatanu tariki ya munani Gashyantare 2013.
Bernice Kimacia, umuyobozi w’uyu mushinga mu Rwanda, yavuze ko bakomeje kumva ikigega Agaciro kivugwa kenshi, nyuma yaho abakozi basaga 50 bawukoramo mu Rwanda bagatanga igitekerezo cyo gutanga inkunga muri iki kigega (...)

Umushinga price water house coopers ufasha mu gutanga ubwishingizi bwa za serivisi no kugira inama abasora, watanze inkunga mu kigega Agaciro Development Fund ingana na miliyoni eshatu n’ibihumbi 225 mu mafaranga y’u Rwanda ku wa gatanu tariki ya munani Gashyantare 2013.

Bernice Kimacia, umuyobozi w’uyu mushinga mu Rwanda, yavuze ko bakomeje kumva ikigega Agaciro kivugwa kenshi, nyuma yaho abakozi basaga 50 bawukoramo mu Rwanda bagatanga igitekerezo cyo gutanga inkunga muri iki kigega kandi bakayatanga ku bushake ari bwo baje gukusanya iyi nkunga.

Umuyobozi wungirije muri Minisiteri y’Imari n’Igenamigambi ushinzwe ibaruramari rya Leta no kuritangaza Mukeshimana Marcel, yatangaje ko imiryango itandukanye ikorera mu Rwanda cyane idashamikiye kuri leta ikomeje kwitabira igikorwa cyo gutanga inkunga muri iki kigega.

Yatanze urugero ko n’uyu mushinga uza wiyongera ku yindi myinshi ikomeje kwitabira.

Mukeshimana yavuze ko kuba bakomeza gutanga inkunga ku bushake bigaragaza ko bazi neza ko uruhare rwabo kuri iki kigega rukomeye, bikaba binagaragaza ko ubu bwitabire buzakomeza.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza