Radio Isango Star yongeye kumvikana nyuma y’inkongi y’umuriro

Yanditswe na Nsabimana Emile
Kuya 14 Mutarama 2013 saa 04:39
Yasuwe :
0 0

Gufatwa n’inkongi kw’aho Radio Isango Star yakoreraga, ntibyayibujije kongera kumvikana.
Ku wa gatandatu tariki ya 12 Mutarama 2013, ni bwo ahakoreraga iyi radiyo benshi bazi ku izina ryo “Kuri Saint Paul” hibasiwe n’umuriro, icyakora kuri ubu yongeye kumvikana ku bucyeye bwaho.
Ku murongo wa telefoni na IGIHE, Umuyobozi wa Isango Star Aldo Havugimana, yavuze ko kongera kumvikana kw’iyi radiyo ari ikintu gikomeye kuri bo. Yongeyeho ko nyuma yo gufatwa n’inkongi kw’aho bakoreraga hari bimwe mu (...)

Gufatwa n’inkongi kw’aho Radio Isango Star yakoreraga, ntibyayibujije kongera kumvikana.

Ku wa gatandatu tariki ya 12 Mutarama 2013, ni bwo ahakoreraga iyi radiyo benshi bazi ku izina ryo “Kuri Saint Paul” hibasiwe n’umuriro, icyakora kuri ubu yongeye kumvikana ku bucyeye bwaho.

Ku murongo wa telefoni na IGIHE, Umuyobozi wa Isango Star Aldo Havugimana, yavuze ko kongera kumvikana kw’iyi radiyo ari ikintu gikomeye kuri bo. Yongeyeho ko nyuma yo gufatwa n’inkongi kw’aho bakoreraga hari bimwe mu bikoresho babashije kurokora, yongeraho ko kuba bari basanzwe bafite ‘studio’ ikora ibiganiro ari kimwe mu byabafashije gukomeza gukora bidatinze.

Havugimana avuga ko ubu Radio Isango Star yongeye kumvikana kuri 91.5 nk’ibisanzwe, ati “Ubu iyi radiyo iri gukorera hafi ya ‘Feux Rouges’ zo munsi ya Radio Rwanda ahari hasanzwe hakorerwa ibijyanye no gutunganya ibiganiro.”

Yavuze ko nyuma yo kumva yongeye kumvikana abaturage babyishimiye babigaragaza babinyujije mu butumwa bugufi no guhamagara kuri telefoni.

Umuyobozi wa Radio Isango avuga ko Polisi igikora iperereza kugira ngo hamenyekane icyaba cyarateye iyi mpanuka.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza