Kwamamaza Tigo_ P2P

RBC yagaragaje ko abahungabana bazitabwaho mu cyunamo

Yanditswe kuya 2-04-2013 saa 17:49' na Eugenie Umuhoza
     


Ikigo cy’igihugu cy’ubuzima (RBC) kiratangaza ko cyateganyije hakiri kare uburyo abahura n’ihungabana bazafashwa mu cyunamo cyo kwibuka jenoside yakorewe Abatutsi ku nshuro ya 19 cyegereje.
Mu gihe cyo kwibuka Jenoside yakorewe abatutsi muri Mata 1994, usanga henshi mu gihugu, abantu bahura n’ ikibazo cy’ ihungabana by’ umwihariko umubare munini ukaba abagore n’urubyiruko,mu mibare yagaragajwe n’ ikigo cy’ igihugu gishinzwe ubuzima.
Mu rwego rwo kwitegura icyumweru cyo kwibuka ku nshuro ya 19 (...)

Ikigo cy’igihugu cy’ubuzima (RBC) kiratangaza ko cyateganyije hakiri kare uburyo abahura n’ihungabana bazafashwa mu cyunamo cyo kwibuka jenoside yakorewe Abatutsi ku nshuro ya 19 cyegereje.

Mu gihe cyo kwibuka Jenoside yakorewe abatutsi muri Mata 1994, usanga henshi mu gihugu, abantu bahura n’ ikibazo cy’ ihungabana by’ umwihariko umubare munini ukaba abagore n’urubyiruko,mu mibare yagaragajwe n’ ikigo cy’ igihugu gishinzwe ubuzima.

Mu rwego rwo kwitegura icyumweru cyo kwibuka ku nshuro ya 19 Jenoside,yakorewe abatutsi, RBC yagiranye ikiganiro n’ abanyamakuru kuri uyu wa 02 Mata 2013, itangaza ko hahuguwe abafatanyabikorwa bayo bo muri Croix Rouge bagera ku 100, abagize umuryango w’abanyeshuri biga mu mashuri yisumbuye barokotse Jenoside bagera ku 150, n’ abandi bagiye bari mu midugudu mu rwego rwo kuzafasha abahungabana .

Dr Yvonne Kayiteshonga

Dr Yvonne Kayiteshonga, umuyobozi ushinzwe ubuzima bwo mu mutwe, yagize ati” Byagaragaye ko abantu bagira ikibazo cyo guhungabana mu gihe cyo kwibuka, niyo mpamvu twahuguye duhereye mu rwego rw’ umudugudu kugira ngo ugize ikibazo azabone ubufasha aho atuye, kandi hanatabazwe inzego z’ ubuzima, byananirana akaba yajyanwa mu kigo nderabuzima cyo mu karere.”

Dr Kayiteshonga akomeza avuga ko hanashyizweho telefoni itishyurwa, aho umuntu yahamagara ku 117 kugira ngo baguhe inama z’uko wafasha ugize ikibazo.

Yongeyeho kandi ko uwahungabanye atitabwaho gusa n’ uwahuguwe gusa, bireba buri wese.

Gatabazi Claver, ushinzwe ibikorwa byo kwibuka muri CNLG yasabye ko inzego zose zafasha abaturage kwitegura igihe cyo kwibuka, kugira ngo icyunamo kigere bariteguye.

RBC itangaza ko ubushakashatsi bwakozwe bwerekanye ko umubare munini w’ igitsina gore ari wo uhura n’ ikibazo cy’ihungabana, ku kigereranyo cya 62% , kuko abenshi ari abapfakazi, imfubyi; Urubyiruko rwo rukabarirwa kuri 63%, bitewe ahanini n’ ibibazo, byakwiyongeraho ibya Jenoside bakagira ibibazo by’ ihungabana.

Insanganyamatsiko yo kwibuka Jenoside yakorewe abatutsi ku nshuro ya 19 igira iti “Twibuke Jenoside yakorewe abatutsi duharanira kwigira”

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved