RCS yunamiye abazize Jenoside

Yanditswe na Rene Anthere Rwanyange
Kuya 13 Mata 2013 saa 09:24
Yasuwe :
0 0

Ikigo cy’Igihugu Gishinzwe imfungwa n’abagororwa (RCS), cyunamiye abahoze ari abakozi b’amagereza icyenda bishwe muri Jenoside.
Ku wa Gatanu tariki ya 12 Mata 2013, Ikigo cy’Igihugu Gishinzwe imfungwa n’abagororwa cyakoze urugendo rw’amaguru, rwavaga ku cyicaro gikuru cyacyo rugana ku rwibutso rwa Kigali ruri ku Gisozi. Uru rugendo rwari rugamije kwibuka abahoze ari abakozi ba RCS.
Komiseri Mukuru Wungirije wa RCS, Mary Gahonzire, avuga ko kwibuka bikwiriye guhoraho, ati “Uru rwibutso (...)

Ikigo cy’Igihugu Gishinzwe imfungwa n’abagororwa (RCS), cyunamiye abahoze ari abakozi b’amagereza icyenda bishwe muri Jenoside.

Ku wa Gatanu tariki ya 12 Mata 2013, Ikigo cy’Igihugu Gishinzwe imfungwa n’abagororwa cyakoze urugendo rw’amaguru, rwavaga ku cyicaro gikuru cyacyo rugana ku rwibutso rwa Kigali ruri ku Gisozi. Uru rugendo rwari rugamije kwibuka abahoze ari abakozi ba RCS.

Komiseri Mukuru Wungirije wa RCS, Mary Gahonzire, avuga ko kwibuka bikwiriye guhoraho, ati “Uru rwibutso rutwibutsa byinshi, rukwiriye kuvuga ubutumwa ku banyamahanga no kwigisha urubyiruko ku byabaye ku Rwanda tubatoza kubana nk’abanyarwanda twubaka inshingano zateshutsweho n’abanyarwanda.”

Komiseri Gahonzire avuga ko biturutse mu biganiro byahereye ku wa 7 Mata 2013 muri gereza zose, buri gereza yafashe gahunda yo gusana byibuze amazu ane y’abarokotse Jenoside nk’umusanzu wo gufasha abarokotse.

Avuga ko nyuma y’imyaka 19 Jenoside irangiye, abagororwa bigishijwe, ati “Abagororwa benshi bicujije ko bahemukiye bene wabo, abenshi uba usanga badusaba ko twabageza ku miryango bahemukiye ngo bayisabe imbabazi, abenshi ubu bafite gahunda yo gusohoka bakajya hanze kwerekana aho bajugunye imibiri kugira ngo ishyingurwe mu cyubahiro.”

RCS yatanze inkunga y’ibihumbi 500 by’amafaranga y’u Rwanda yo gufasha Urwibutso rwa Jenoside rwa Kigali mu bikorwa bya buri munsi byo kurwitaho, nyuma abayigize berekeza ku rwego rw’igihugu rushinzwe imfungwa n’abagororwa kwifatanya n’imiryango y’ababuze abakozi icyenda bazize Jenoside, barimo abayobozi b’amagereza babiri.

RCS ivuga ko nyuma y’imyaka 19, abagororwa bakomeje gusaba imbabazi abo bahemukiye, ikaba isanga ari umusaruro uva mu butumwa bahabwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza