RDC: Abatuye Goma batangiye guhunga

Yanditswe na Samuel Ishimwe
Kuya 17 Ugushyingo 2012 saa 06:56
Yasuwe :
0 0

Ku mugoroba wo kuri uyu wa gatandatu, mu Mujyi wa Rubavu (mu Burengerazuba bw’u Rwanda) hagaragaye Abanyekongo binjiraga mu Rwanda bazaga bavuga ko bahunze imirwano ibera mu nkengero z’Umujyi wa Goma muri Repubulika Iharanira Demokarasi ya Congo.
Umunyamakuru wa IGIHE uri mu Mujyi wa Rubavu ku mupaka w’u Rwanda na Congo, avuga ko abavaga muri Congo bamwe bari bafite ibikapu abandi bari kumwe n’abana. Hari kandi n’abaje mu modoka naho abandi binjira mu Rwanda n’amaguru, ku buryo bigaragara ko (...)

Ku mugoroba wo kuri uyu wa gatandatu, mu Mujyi wa Rubavu (mu Burengerazuba bw’u Rwanda) hagaragaye Abanyekongo binjiraga mu Rwanda bazaga bavuga ko bahunze imirwano ibera mu nkengero z’Umujyi wa Goma muri Repubulika Iharanira Demokarasi ya Congo.

Umunyamakuru wa IGIHE uri mu Mujyi wa Rubavu ku mupaka w’u Rwanda na Congo, avuga ko abavaga muri Congo bamwe bari bafite ibikapu abandi bari kumwe n’abana. Hari kandi n’abaje mu modoka naho abandi binjira mu Rwanda n’amaguru, ku buryo bigaragara ko bari mu byiciro bitandukanye by’abifashije n’abakene.

Mireille Aisha twavuganye, ni umwe muri abo Banyekongo bari binjiye mu Rwanda mu ma saa kumi n’ebyiri. Yatubwiye ko yaje mu Rwanda ahunze, n’ubusanzwe akaba yari mu nkambi y’impunzi iri imbere muri Congo.

Mireille uvuga ko yabaga mu nkambi y’impunzi ya Kanyarucinya muri Congo, ngo we n’abo bazanye bafashe icyemezo cyo kuza mu Rwanda bitewe n’urusaku rw’amasasu bumvaga hafi y’inkambi. Ati "Twari turi kumva ibisasu hafi duhitamo kuva mu nkambi."

Umunyamakuru wacu uri ku mupaka na Congo twavuganye saa kumi n’ebyiri z’i Kigali yatubwiye ko Abanyekongo batangiye kwinjira mu Rwanda mu ma saa cyenda. Avuga ko bahagaze mu masaha yegera saa kumi n’ebyiri ukuko muri Congo hari itegeko ryo kuba nta muntu ucaracara nyuma ya saa kumi n’ebyiri ndetse n’umupaka kuri iyi saha ukaba ufungwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza