IGIHE.com > Amakuru > U Rwanda
RAB irahumuriza abahinzi ko nta wuzabura ifumbire bitewe n’uko itangwa na rwiyemezamirimo

RAB irahumuriza abahinzi ko nta wuzabura ifumbire bitewe n’uko itangwa na rwiyemezamirimo


Yanditswe kuya 23-01-2013 - Saa 14:11' na Umurerwa Emma-Marie

Nyuma y’uko isoko ryo gucuruza inyongeramusaruro rihawe ba rwiyemezamirimo, bamwe mu bahinzi bagaragaje impungenge z’uko igiciro gishora kuzamuka bikaba byatuma ibiribwa bihendaku masoko ; ariko ikigo cy’u Rwanda cyo guteza imbere ubuhinzi n’ubworozi RAB kirabasaba kwibumbira mu makoperative kugira ngo bajye bahabwa inguzanyo y’ifumbire.

Ni mu gihe bamwe mu bahinzi bo mu Karere ka Musanze bavuga ko bashobora kuzajya bongera ibiciro uko bishakiye, ifumbire ikabona uwifite.

Mbere y’uko igihembwe cy’ihinga gitangira mu kwezi kwa Nzeri 2012 abahinzi bahabwaga inyongeramusaruro ku nguzanyo, ariko ubu byarahindutse basigaye bayigura nta nguzanyo usibye abari mu makoperative.

Musabyimana Innocent, Umuyobozi Wungirije wa RAB yatangarije IGIHE ko nta muhinzi ukwiye kugira impungenge, kuko ngo ba rwiyemezamirimo bapiganira isoko uwo Leta ibona arikwiye akarihabwa. Ati ”Abahinzi twabahaga ideni ry’inyongeramusaruro ariko kubera ko ibyo baba bahinze biba byeze bamwe bakanabigurisha twashyizeho gahunda y’uko bajya bahita bishyura.”

Akomeza avuga ko abahinzi bishyize hamwe mu makoperative baba bafite amahirwe yo kubona inguzanyo y’ifumbire, kandi ko Leta yishyura 50% by’igiciro cyose umuhinzi akiyishyurira asigaye.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO