IGIHE.com > Amakuru > U Rwanda
REB yasohoye amanota y’abanyeshuri barangije  amashuri abanza n’icyiciro rusange  mu 2012

REB yasohoye amanota y’abanyeshuri barangije amashuri abanza n’icyiciro rusange mu 2012


Yanditswe kuya 18-01-2013 - Saa 18:20' na Marie Chantal Nyirabera

Ikigo cy’ igihugu gishinzwe uburezi (REB) cyasohoye amanota y’abanyeshuri bakoze ibizami bisoza amashuri abanza n’ icyiciro rusange.

Abanyeshuri 178, 261 mu mashuri abanza biyandikishije gukora ibizamini, hakora 166,154, na 93% y’abagombaga gukora ibizamini.

Abatsinze ni 138,058. Abatsinze bangana na 83.09%.
Abahungu batsinze bari ku kigereranyo cya 54,9%, abakobwa bo ni 45%.

Mu cyiciro rusange cy’amashuri yisumbuye, abanyeshuri biyandikishije gukora ni 83,786, abakoze ni 81,053, abahungu ni 37,987 n’abakobwa 43,064 bangana na 53%. Muri iki cyiciro REB yatangaje ko batsinze neza.

Minisitiri w’Uburezi Dr Vincent Biruta yatangaje ko umubare w’abanyeshuri biyandikishije gukora biyongereye mu gutsinda ugereranyije n’umwaka washize, ariko avuga ko hari ikibazo cyagaragaye cy’ ibigo byabujije abanyeshuri gukora ibizami, abandi bakabasibiza kugira ngo batabahesha umwanya mubi mu gutsindisha hakurikijwe ibigo.

Dr Biruta yavuze ko ababikoze bazakurikiranwa.

Akarere ka Ngororero kagaragaje umubare munini w’abatarakoze ibizami ungana na 14,57 %, kagakurikirwa na Bugesera , Kirehe na Karongi by’abana basibye ibizami bari biyandikishije mu banyeshuri bakoze mu cyiciro cya mbere cy’amashuri yisumbuye.

Mu cyiciro rusange cy’amashuri yisumbuye, abanyeshuri biyandikishije gukora ni 83,786, abakoze ni 81,053, abahungu ni 37,987 n’abakobwa 43,064 bangana na 53%.

Abanyeshuri 10 babaye aba mbere mu mashuri abanza :

1. Rafiki Famous Joseph, 2.Shema Patric, n’uwa 3. Nshimiyimana Wilson bo ku kigo cya News Life Academy mu karere ka Kayonza ,

4. Uwera Hope, 5. Tuyishime Jaribu Jimmy, 6. Mugisha Daniel bo ku kigo cya Bright Academy mu karere ka Nyagatare

7. Niyonkuru ISSA wok u kigo cya News Life Academy i Kayonza

8.Tuyishime Nadine Good Harvest mu karere ka Kicukiro

9. Mugisha David kuri Bright Academy i Nyagatare n’uwa

10.Ntwari Marcel wo ku kigo cya News Life Academy cya Kayonza

Akarere ka Kayonza na Nyagatare tuza kuisonga mu gutsindisha mu mashuri abanza.

Minisitiri w'Uburezi, Dr Vincent Biruta areba amanota y'abanyeshuri barangije

Abanyeshuri icumi ba mbere batsinze mu cyiciro cya mbere cy’amashuri yisumbuye :

1.Nkubito Andrew wo mu kigo cya NU-Vision Hight School

2. Niyigena Francoise ,(NU-Vision High School)

3. Niyomugabo Kwibuka Christian ,wo mu Iseminari Nto ya Ndera

4. Shema Ivan Shevan, wo ku kigo cya New Life High School

5. Maajabu Allelua Tito, wo kukigo cya E Sc Byimana

6. Nshuti Anick, wo kUkigo cya ENPD Karubanda

7. Hirwa Gatete Jean Yves, ku kigo cy’iseminari Nto ya Kabgayi

8. Cyizere Rukondo Fidence, wo ku kigo cya E Sc Byimana

9. Ndenga Didier wo mu kigo cy’Iseminari Nto St Pie ku Nyundo

10. Rwomushyana James wo mu kigo cya News Life Academy

Guhera none amanota yabo arajyanywa mu turere azagezwe mu bigo byabo. Abayobozi bazajya guhitamo abanyeshuri ku wa 22 kugera ku ya 25 Mutarama mu kigo cya Lyce Notre Dame de Citeaux. Kuya 22, na 23 bazatoranya abo mu mashuri abanza ,ku ya 24 n’iya 25 Mutarama ni abo mu cyiciro rusange.

Minisitiri w’ Uburezi yatangaje ko amanota y’abatsinze agaragara ku rubuga rw’ikigo cy’igihugu cy’uburezi REB, akanaboneka hakoreshejwe ubutumwa bugufi SMS wohereza kuri 489 wabanjije kwandika nimero y’umunyeshuri(Index).

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO