Remera: Ntibumva uko bagomba kwimuka nta ngurane

Yanditswe na Nsabimana Emile
Kuya 1 Werurwe 2013 saa 09:06
Yasuwe :
0 0

Mu gihe cy’ibyumweru bitarenze bitatu ngo igihe ntarengwa bahawe cyo kwimuka kigera, abaturage bo mu Mudugudu wa Kangondo ya 2, Akagari ka Nyarutarama mu Murenge wa Remera w’Akarere ka Gasabo baravuga ko nta gahunda yo kuva aho batuye mu gihe ubuyobozi nta kintu bubabwira ku bijyanye n’ingurane y’ibikorwa byabo biri aho batuye.
Ubuyobozi bw’akarere buvuga ko bakwiye kwibagirwa ibijyanye n’ingurane, kuko ngo batuye mu butaka butagenewe guturwaho kandi nta n’umwe ubifitiye ibyangombwa.
Aba (...)

Mu gihe cy’ibyumweru bitarenze bitatu ngo igihe ntarengwa bahawe cyo kwimuka kigera, abaturage bo mu Mudugudu wa Kangondo ya 2, Akagari ka Nyarutarama mu Murenge wa Remera w’Akarere ka Gasabo baravuga ko nta gahunda yo kuva aho batuye mu gihe ubuyobozi nta kintu bubabwira ku bijyanye n’ingurane y’ibikorwa byabo biri aho batuye.

Ubuyobozi bw’akarere buvuga ko bakwiye kwibagirwa ibijyanye n’ingurane, kuko ngo batuye mu butaka butagenewe guturwaho kandi nta n’umwe ubifitiye ibyangombwa.

Aba baturage bavuga ko kwimurwa mu rwego rwo kurengera ibidukikije nta cyo byaba bibatwaye, gusa ngo kuba ntaho bafite bimukira ni ikibazo kibakomereye.

Bavuga ko aho batuye ari kavukire, ku buryo kuhimuka badahawe ingurane bumva bitaborohera kandi no kwigurira ahandi batura batabifitiye ubushobozi.

Nubwo bivugwa ko aha batuye ari mu gishanga, bavuga ko bagiye basinyirwa n’abayobozi bo mu nzego z’ibanze ku buryo ngo baramutse bimuwe nta ngurane byaba ari akarengane.

Nubwo ariko bavuga ibi bibazo byose, ngo nta muyobozi uragira icyo abivugaho kuko no kwimuka babimenyeshejwe mu mabaruwa bahawe n’ubuyozi bw’umurenge.

Ubuyobozi bw’akarere ka Gasabo icyakora busa n’ubutumva ibyo aba baturage bita akarengane, kuko buvuga ko aba baturage badakwiye gutekereza ku bijyanye n’ingurane.

Umuyobozi w’Akarere ka Gasabo Ndizeye Willy, avuga ko aba baturage bubatse muri aka gace bazi neza ko ari mu gishanga nyamara bitemewe n’amabwiriza yo kurengera ibidukikije. Ibi ni byo ashingiraho avuga ko bose bagomba kwiyimura, uretse gusa uwaba yarahawe ibyangombwa byo kubaka.

Gutura mu gishanga kimwe n’ibindi bikorwa bishobora kubangamira ibidukikije bibuzwa n’amabwiriza yo kurengera ibidukikije mu Rwanda. Aba basabwe kwimuka ariko bavuga ko byaba ari akarengane kwimurwa nta ngurane, kuko ngo mu gihe bahaturaga nta wigeze abakumira kandi n’inzego zibishinzwe zikaba zitarigeze zihashyira ibihagaragaza nk’ubutaka bw’igishanga butagomba guturwaho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza