IGIHE.com > Amakuru > U Rwanda
Rubavu: Abatekamutwe bakomeje kwiyongera

Rubavu: Abatekamutwe bakomeje kwiyongera


Yanditswe kuya 18-11-2012 - Saa 08:21' na Izuba Rirashe

Mu karere ka Rubavu mu mujyi wa Gisenyi abatekamutwe bakomeje kwiyongera bambura abaturage bakoresheje amayeri.

Ikinyamakuru Izuba Rirashe cyaganiriye na bamwe mu bamaze kwamburwa utwabo bavuga ko abo batekamutwe baza bakabashuka ngo barabatuburira amafaranga.

Umuturage witwa Banyangiriki wo mu murenge wa Nyakiriba, yavuze ko yahuye n’umutekamutwe w’umugore akamupfunyikira agasanduku karimo amadolari y’Abanyamerika miliyoni 60 z’amahimbano, maze nawe abaha amafaranga y’u Rwanda miliyoni n’ibihumbi 700.

Banyangiriki yavuze ko bijya gutangira umugore yamubwiye ko agiye kumukiza, ariko bikaba bisaba miliyoni 5 z’amanyarwanda, maze agahabwa miliyoni 60 z’amadolari y’Abanyamerika, ariko Banyangiriki avuga ko yabona miliyoni 2 yari amaze gufata nk’inguzanyo mu Murenge SACCO, maze uwo mutekamutwe yiyemeza kuba atwaye miliyoni imwe, andi akazayatwara aje gufungura aka gasanduku karimo amadolari, dore ko yari yabujije Banyangiriki kuzagapfundura atarabona amafaranga yose yemeye (2.000.000 frw).

Mu minsi mike umutekamutwe yagarutse kureba amafaranga yasigaye, ahabwa 700.000 frw, ubwo hasigara 300.000 frw, nyir’uguhabwa amadolari y’amahimbano akomeza kubika agasanduku arimo, ataramenya niba ari ukuri cyangwa ari ibinyoma, kuko yakomeje kubwirwa ko kazapfundurwa ari kumwe n’uwayamuhaye.

Nyuma y’igihe kitari gito, wa mutekamutwe yagarutse kwa Banyangiriki kumwaka amafaranga asigaye ariko asanga yatangiye kugira impungenge, kuko na banki yamuhaye inguzanyo yari yatangiye kumwishyuza, maze ahita ahamagara Polisi igwa gitumo uwo mutekamutwe wari kumwe n’umugabo wari ufite agapapuro gasa n’idolari bivugwa ko ariko bagenda bakoresha bashuka abantu.

Abafashwe bose bakurikiranyweho kwihisha inyuma y’ibi bikorwa, bafungiye kuri sitasiyo ya Polisi ya Kanama, mu Karere ka Rubavu, ariko ubwo ikinyamakuru Izuba Rirashe cyabasuraga ibi byose barabihakanye bagaragaza ko ntaho bahuriye na byo.

Kuri sitasiyo ya Polisi ya Gisenyi, naho hafungiye umugore ukurikiranyweho ubutekamutwe, aho yashyamiranyije abacuruzi babiri. Uyu mugore w’Umunyekongo yarabashutse yishyurwa imifuka 97 y’ifarini kandi itari ye, ahita abura, byatumye ari nyir’ifarini n’uwayiguze baregana mu nkiko ku bw’amahirwe uyu mugore w’umutekamutwe aza gufatwa agiye kwambura ahandi.

Ibi byose biriyongera ku bana 4 bacuruza Tuvugane mu mujyi wa Gisenyi bafashwe na Polisi bafite Tuvugane zashizemo amafaranga, bari guha abakiriya ubusa, n’undi uherutse kujya kugura ikibanza, bakamushyirira imiti ituma asinzira mu byo yanywaga bari gusinya amasezerano y’ubugure akaza gukanguka bamutwaye amafaranga yari afite yose.

Hari kandi n’undi wiyambitse imyenda ya polisi, atwara moto abeshya ngo arahita agaruka, asigira umumotari ikibari mpimbano cya polisi.

Spt Felix Bizimana, ukuriye Polisi mu Karere ka Rubavu, yavuze ko baticaye ubusa kuko benshi bamaze gufatwa kandi n’abandi bakaba bagishakishwa.

Umuvugizi wa Polisi mu Ntara y’Iburengerazuba, Spt Mwiseneza Urbain, yatangaje ko icyo basaba abaturage ari ugushishoza mbere yo kwishora mu bikorwa nk’ibi, byaba ngombwa bakagisha inama Polisi, kuko ubutekamutwe bumaze kuba bwinshi.

Kuba Umujyi wa Gisenyi uhana imbibi n’Umujyi wa Goma, biri mu bituma ubu butekamutwe bwiyongera kuko abamara kubikora bahungira muri gihugu cy’iabaturanyi cya

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO