Kwamamaza

Rubavu: Yakubiswe ashinjwa kuroga abantu 4 barapfa

Yanditswe kuya 16-01-2013 saa 06:52' na Izuba Rirashe


Umugore witwa Kalimunda Siperansiya arwariye kuri Poste de santé ya Kanama mu Murenge wa Kanama, Akarere ka Rubavu, bitewe no gukubitwa bikomeye n’abaturage bamukekaho kuba yararoze umuryango w’abantu 6, bane muri bo bagapfa.
Abapfuye bose ni abo mu muryango umwe w’uwitwa Nkizinkiko Habinshuti. Abandi babiri baracyavurwa.
Abaturage bashinja Kalimunda Siperansiya w’imyaka 50 ko ariwe wakoze iryo bara; nubwo abihakana.
Kalimunda yabwiye Ikinyamakuru Izuba Rirashe ko atari we waroze aba (...)

Umugore witwa Kalimunda Siperansiya arwariye kuri Poste de santé ya Kanama mu Murenge wa Kanama, Akarere ka Rubavu, bitewe no gukubitwa bikomeye n’abaturage bamukekaho kuba yararoze umuryango w’abantu 6, bane muri bo bagapfa.

Abapfuye bose ni abo mu muryango umwe w’uwitwa Nkizinkiko Habinshuti. Abandi babiri baracyavurwa.

Abaturage bashinja Kalimunda Siperansiya w’imyaka 50 ko ariwe wakoze iryo bara; nubwo abihakana.

Kalimunda yabwiye Ikinyamakuru Izuba Rirashe ko atari we waroze aba bantu 6; ariko yemerera ko asanzwe yumva bamushinja kuba umurozi.

Nubwo bivugwa ko ari amarozi, biracyagoye kwemeza ko abapfuye ari yo bazize , ariko umwe mu baganga gakondo wemewe n’amategeko witwa Nyirambazuruvugo Thasiyana wakiriye aba barwayi rugikubita, yatangarije ko yasanze abapfuye barazize amarozi; ndetse ngo yamenye ko ubwo burozi bwashyizwe mu byo kurya uwo muryango wariye.

Uyu muvuzi gakondo wo mu mudugudu wa Nyamuremure; mu Kagari ka Mahoko; ndetse n’abo mu muryango wa Nkizinkiko Habinshuti bavuga ko ubu burozi bwatangiye kumenyekana ku wa 7 Mutarama 2013; ari nabwo abarwayi bahise bajyanywa kuri uyu muvuzi gakondo, ariko batatu bahita bitaba Imana harimo n’umugore wa nyir’urugo (Nkizinkiko).

Mu gitondo cyo ku wa 14 Mutarama 2013; nibwo nyir’urugo witwa Nkizinkiko Habinshuti nawe yitabye Imana.

JPEG - 73.2 kb
Kalimunda Siperansiya ukekwa na baturage kuroga umuryango w’abantu 6.

Umuvugizi wa Polisi mu Ntara y’Uburengerazuba, Spt Mwiseneza Urbain, kuri telephone yatangarije ko Izuba Rirashe ko bidakwiye kwihutira kujyana abarwayi ku bavuzi gakondo; aho kubajyana ku buvuzi bwizewe; ndetse anavuga ko icyaha cy’uburozi iyo gihamye umuntu ahanishwa igifungo cya burundu.

Mu gihe ukekwaho kuroga akomeje gukurikiranywa n’abaganga, abamukubise nabo bari gushakishwa ngo bakurikiranwe mu rwego rw’amategeko.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 13 August 2016
Copyright © 2009 -2014 - IGIHE Ltd - All Rights Reserved