IGIHE.com > Amakuru > U Rwanda
Ruhango : Abaturage basabwe kutanuma ku hakiri intege nke

Ruhango : Abaturage basabwe kutanuma ku hakiri intege nke


Yanditswe kuya 8-02-2013 - Saa 14:21' na Grégoire Nizeyimana/ Ruhango

Ubwo Umuyobozi w’Akarere ka Ruhango yasuraga abaturage bo mu murenge wa Kabagali mu kwezi kwahariwe imiyoborere myiza, yabasabye ko uwo mwanya udakwiye kuba uwo gukemura ibibazo by’amakimbirane n’ubwumvikane buke gusa, ahubwo ko hakwiye no kuganira ku bintu byose bibangamira abaturage mu iterambere.

Mbabazi François Xavier, ku wa gatatu tariki ya 6 Gashyantare 2013, asura Kabagli yagize ati " Kuza Kuganira namwe ni umwanya wo kugaragaza no kungurana ibitekerezo ku mishinga abaturage bagamije kugeraho aho batuye, kwereka ubuyobozi ahari imbaraga nke n’ahakenewe inkunga y’ubuyobozi. »

Yabakanguriye kongera imbaraga muri gahunda zibafasha kugira imibereho myiza, kurwanya ubukene, kandi bakamenya kwizigamira, bakirinda kurira gutsemba, babifashijwemo n’umurenge SACCO.

Mu rwego rwo kurushaho kwimakaza imiyoborere myiza bihereye mu nzego z’ibanze, Mbabazi yasabye abayobozi bose kuva ku mudugudu kurushaho kunoza imitangire ya serivise, kugendera kure no kwamagana ruswa, kandi bagakemura ibibazo mu buryo bunoze kandi bwihuse.

Umuyobozi bw'Akarere ka Ruhango buganira n'abaturage mu murenge wa Kabagali

Mu bibazo byabajijwe umuyobozi w’Akarere, ahanini biracyagaruka ku makimbirane ashingiye ku butaka.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO