IGIHE.com > Amakuru > U Rwanda
Rwamagana : Urubyiruko ruri ku rugerero ruri kubaka amacumbi y’abarimu

Rwamagana : Urubyiruko ruri ku rugerero ruri kubaka amacumbi y’abarimu


Yanditswe kuya 22-01-2013 - Saa 13:41' na Faustin Nkurunziza

Urubyiruko rugera kuri 40 rwatangiye urugerero, mu murenge wa Kigabiro, Akarere ka Rwamagana, ruri kubaka amacumbi y’abarimu, agizwe n’ibyumba umunani n’ubwiherero bune.

Ubwo Minisitiri w’Intebe, Dr. Pierre Damien Habumuremyi, yasuraga uru rubyiruko, agashyira ibuye ry’ifatizo ahubakwa ibyumba by’amacumbi y’abarimu, urubyiruko ruri kubyubaka rwaturutse mu tugari twa Cyanya, Bwiza, Sovu na Sibagire rwatangaje ko rukora ibi bikorwa rubyishimiye kuko biri mubyo bahize basoza itorero umwaka ushize.

JPEG - 117.1 ko
Minisitiri w’Intebe, Dr. Pierre Damien Habumuremyi atangiza kubaka ibyumba by’amacumbi y’abarimu

Kayitesi Clementine, umunyeshuri twasanze ari mu gikorwa cyo guhereza umucanga abafundi, yadutangarije ko ibikorwa barimo ari ibyo kwiyubakira igihugu, umuntu akora nta gihembo icyo aricyo cyose.

Amwe mu magambo yakoreshwaga n’urubyiruko ruri ku rugerero rwagiraga ruti “ Ku rugerero nta kujenjeka, tugire ubukire tubugereho vuba twihuse”.

Umukuru w’itorero ry’Igihugu, Rucagu Boniface, yasabye urubyiruko gukorana bishimye akazi barimo ko kubaka igihugu cyababyaye.

Urubyiruko 40 ruri ku rugerero kuri site ya Rwamagana A, ku kigo cy’amashuri cya Espoir rufite gahunda yo kurangiza kubaka ibyo byuma by’amashuri bikarangira.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO