Kwamamaza

Rwezamenyo: Abategarugori barasabwa kwigisha abana babo gukunda igihugu

Yanditswe kuya 12-04-2013 saa 09:51' na Thamimu Hakizimana
     


Mu rwego rwo kwibuka ku nshuro ya 19 Jenoside yakorewe Abatutsi mu Kagari ka Rwezamenyo ya mbere, Umurenge wa Rwezamenyo, Akarere ka Nyarugenge, abategarugori barakangurirwa kwigisha abana gukunda igihugu, kuko kenshi uburere umwana abuhabwa cyane n’umubyeyi w’umugore.
Ibi bikaba byavuzwe mu kiganiro cyo kwibuka ku nshuro ya 19 Jenoside yakorewe Abatutsi mu 1994, mu kagari ka Rwezamenyo ya mbere ku kigo cy’amashuri y’incuke ya Mai Childhood abaturage bo mu mudugudu w’inkerakubanza (...)

Mu rwego rwo kwibuka ku nshuro ya 19 Jenoside yakorewe Abatutsi mu Kagari ka Rwezamenyo ya mbere, Umurenge wa Rwezamenyo, Akarere ka Nyarugenge, abategarugori barakangurirwa kwigisha abana gukunda igihugu, kuko kenshi uburere umwana abuhabwa cyane n’umubyeyi w’umugore.

Ibi bikaba byavuzwe mu kiganiro cyo kwibuka ku nshuro ya 19 Jenoside yakorewe Abatutsi mu 1994, mu kagari ka Rwezamenyo ya mbere ku kigo cy’amashuri y’incuke ya Mai Childhood abaturage bo mu mudugudu w’inkerakubanza n’uw’indatwa yahawe inyigisho zijyanye n’igihe cyo kwibuka, hakaba higishijwe uruhare rw’umugore mu kwubaka igihugu, ndetse hatanzwe n’ikiganiro ku ihungabana.

Ikiganiro cyatanzwe ku ruhare rw’umugore mu kwubaka igihugu hagaragajwe ko umugore afite uruhare runini mu kubaka igihugu. Mukesharugo Mariya watanze icyo kiganiro, yasabye abagore ko bagomba kuba aba mbere mu kwigisha abana gukunda igihugu, kuko umwana wese aho ava akagera aba azi ko umubyeyi we ari umunyakuri. Yakomeje gukangurira abagore kwigisha abana babo cyane ijambo “Gukunda“.

Yanabakanguriye kwita ku barokotse Jenoside ndetse no kwita kubahungabanye babafasha mu bikorwa byibanze. Aho yanongeyeho ko bakwiye kwita ku nzibutso za Jenoside.

Ikiganiro kijyanye n’ihungabana cyatanzwe na Madamu Rehema, yakanguriye abaturage bose muri rusange kwita cyane kubahura n’ibibazo by’ihungabana. Akaba yanagaragaje bimwe mu bimenyetso biranga uwahuye na ryo. Aho umuntu wahuye n’ihungabana kenshi akunze kwikanga cyane agarura bimwe mu bimenyetso yahuye na byo. Rimwe na rimwe akunze kuvuga wambabariye nk’aho ari mu ntambara, akunze kugenda yivugisha nk’uwataye umutwe.

Umunyamabanga Nshingwabikorwa w’Akagari ka Rwezamenyo ya mbere Rusembuza Gaspard yavuze ko mu rwego rwo gufasha abarokotse Jenoside yakorewe Abatutsi, bamaze kwimurira abantu 24 aho babubakiye amacumbi, ko abantu umunani bajyanwe mu murenge wa Kigali mu Kagari ka Kigali mu mudugudu wa Karama yongeyehona ho abandi 16 bo bimuriwe mu kagari ka Rugarama mu murenge wa Nyamirambo.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved