IGIHE.com > Amakuru > U Rwanda
SIDA : Umuzigo ku babana n’ubumuga mu Rwanda

SIDA : Umuzigo ku babana n’ubumuga mu Rwanda


Yanditswe kuya 3-04-2013 - Saa 03:35' na Ange de la Victoire Dusabemungu

Abahagarariye ababana n’ubumuga ndetse n’imiryango nterankunga ikorana nabo barasa buri muntu wese kugira uruhare mu bireho myiza y’abamugaye cyacyane hibandwa kubikorwa byo kubarinda agakoko gatera SIDA, kuko kaza mu bibazo bibugarije.

Ahanini abanduzwa SIDA ngo biterwa n’ikibazo cy’ubukene kuko usanga abenshi mu babana n’ubumuga nta bushozi baba bafite, bigatuma hari abahitamo ku bushakira mu bikorwa by’ubusambanyi cyangwa se rimwe na rimwe bagafatwa no kungufu

Ibi byatangajwe kuri uyu wa 2 Mutarama 2013, ubwo hafungurwaga inama y’ubugira gatatu y’ababana n’ubumuga, ikaba ifite insanganyamatsiko igira iti” Dukureho inzitizi mu babana n’ubumuga, dukumire kandi turwanye ubwandu bushya bw’agakoko gatera SIDA kugera kuri nibuze kuri zeru mu mwaka w’2015”.

Kuri ubu mu Rwanda habarurwa ababana n’ubumuga bagera ku bihumbi 522,856, muri bo abangana na 51% ni igitsina gore, naho ubushakashatsi bwakozwe mu turere tubiri mu mwaka wa 2005 bukaba bwaragaragaje ko 4% by’ababana n’ubumuga mu Rwanda babana n’agakoko gatera SIDA.

Munezero Marie Médiatrice, Umuyobozi w’urugaga rw’ababana n’Ubumuga no kurwanya SIDA, (UPHLS) mu turere twa Musanze, Burera na Gakenke yatangarije IGIHE ko zimwe mu mbogamizi ababana n’ubumuga bahura nazo harimo kuba batabona amakuru ahagije ajyanye n’ubuzima bwabo, amahohoterwa atandukanye arimo no kubafata ku ngufu, ikibazo cy’ingendo ku bafite ubumuga bw’ingingo ndetse no kutabasha kugera aho bafatira imiti y’uburwayi bwabo.

Munezero avuga ko Leta yakongera imbaraga mu kwigisha abaturage uburenganzira bw’ababana n’ubumuga, ndetse no gushyiraho ingamba zihamye zo guteza imbere imibereho myiza yabo.

Umunyamabanga wa Leta muri Minisiteri y’Ubutegetsi bw’Igihugu ushinzwe imibereho myiza y’abaturage n’amajyambere rusange n’imibereho myiza y’abaturage Dr Mukabaramba Alivera avuga ko Leta hari byinshi igenda ikora, birimo gushyiraho inzego z’ababana n’ubumuga ndetse na za Minisiteri zishinzwe imibereho myiza, ibi byose bikaba bikorwa hatirengagijwe ababana n’ubumuga.

Mukabaramba avuga ko Abanyarwanda bose bakwiye kumva ko ikibazo cy’abamugaye kitareba Leta gusa, ahubwo ko nabo bagira uruhare mu kubitaho kuko aria bantu nk’abandi.

Umwe mubafite ubumuga bwo kutabona ageza ijambo kubitabiriye inama
Rusiha Gaston na Dr. Alivera Mukabaramba bakurikirana inama
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO