IGIHE.com > Amakuru > U Rwanda
Tony Blair yateye utwatsi icyifuzo cya Rusesabagina

Tony Blair yateye utwatsi icyifuzo cya Rusesabagina


Yanditswe kuya 16-01-2013 - Saa 08:57' na James Habimana

Nyuma y’aho Paul Rusesabagina yandikiye ibaruwa asaba Tony Blair gusaba u Rwanda guhagarika inkunga ngo rwaba rutera umutwe wa M23, Blair yatangaje ko ntawugomba kumubwiriza icyo akora.

Uwahoze ari Minisitiri w’Intebe w’u Bwongereza, Tony Blair, yatangarije BBC dukesha iyi nkuru ko kugeza ubu atacyumva abamubwiriza ibyo akora, ahubwo ngo yumva ibyo umutima we umubwira, bityo akamenya icyo akora.

Rusesabagina ngo yandikiye Tony Blair, nk’umuntu ufitanye ubucuti bukomeye n’u Rwanda, amubwira ko yarusaba ngo guhagarika ibikorwa byo gufasha umutwe wa M23.

Tony Blair mu kumusubiza yagize ati "Hashize igihe kitari gito nize ko ntagomba kumva abambwire y’abandi, bityo rero ngomba gukora gusa ibyo umutima wanjye wambwiye.”

Tony Blair yongeyeho agira ati “Icyo abantu badashobora kwirengagiza, ni ukuntu Perezida Paul Kagame yavanye Abanyarwanda benshi mu bukene, kugeza ubu u Rwanda rufite ubutunzi bukomeye ndetse n’inzego za Leta zirakomeye, bityo azi icyo gukora.”

Tony Blair yasoje avuga ko ikibazo cya Congo gikomeye kurusha uko abantu bagitekereza, ariko yongeraho ko Congo yonyine ari yo ifite uruhare rwa mbere mu kugikemura.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO