IGIHE.com > Amakuru > U Rwanda
U Budage bwahaye u  Rwanda bimwe mu biranga amateka yarwo bwari bubitse

U Budage bwahaye u Rwanda bimwe mu biranga amateka yarwo bwari bubitse


Yanditswe kuya 17-01-2013 - Saa 08:45' na IGIHE

Ambasade y’u Budage yashyikirije Ingoro y’Igihugu y’Umurage w’u Rwanda bimwe mu biranga amateka y’u Rwanda u Budage bwari bubitse imyaka myinshi.

Nk’uko tubikesha The New Times, mu byo u Budage bwahaye u Rwanda, harimo amapine abiri y’imodoka yakoreshejwe yakoreshejwe mu ntamabara ya mbere y’isi yose Abadage bahanganye n’Ababiligi mu Rwanda mu 1914.

Icyo gihe Abanyarwanda barwanaga ku ruhande rw’Abadage bayoboraga Rwanda-Urundi.

Ibyo U Budage bwatanze byashyizwe mu Ngoro y’Umurage w’u Rwanda yitiriwe Resida w’umudage wayoboye u Rwanda, Dr Richard Kandt iri ku Muhima mu Mujyi wa Kigali.

Ayo mapine y’imodoka rimwe ripima ibiro 250.

U Rwanda rwanashyikirijwe amafoto y’Abanyarwanda barwanye intambara ya mbere y’Isi yose.

Ibyo bikoresho byari byarabitswe na Amabasaderi wa mbere w’u Budage mu Rwanda mu 1959, aho radiyo y’Abadage, Deutsch Well, ikorera mu Rwanda mu Murenge wa Kinyinya mu karere ka Gasabo.

Alphonse B. Umulisa, Uyobora Ingoro y’umurage y’u Rwanda yitiriwe Richard Kandt, yavuze ko yishimira ko U Budage buzanye ibiranga amateka y’u Rwanda, anavuga ko bagitegereje n’ibindi bisigayebibitswe n’ibindi bihugu by’u Burayi nk’u Bubiligi bubitse imodoka n’igitanda by’umwami Rudahigwa.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO