IGIHE.com > Amakuru > U Rwanda
U Buholandi: Ubushinjacyaha bwajuririye igihano cyahawe Yvonne Basebya

U Buholandi: Ubushinjacyaha bwajuririye igihano cyahawe Yvonne Basebya


Yanditswe kuya 15-03-2013 - Saa 07:10' na IGIHE

Abashinjacyaha bo mu Buholandi, kuwa gatatu bajuririye igihano ubutabera bwo muri icyo gihugu bwahaye umunyarwandakazi Yvonne Basebya kubera uruhare yagize mu gushishikariza abandi gukora genocide yakorewe Abatutsi mu Rwanda mu mwaka w’1994.

Ibiro ntaramakuru AFP bivuga ko aba bashinjacyaha bemeza ko igihano yahawe ari gito, basabonura ko hakurikijwe uburemere bw’ibyaha ashinjwa, yari akwiriye guhabwa igihano gikarishye. Yvonne Basebya w’imyaka 66 y’amavuko yakatiwe igihano cy’imyaka 6 n’amezi 8 mu ntangiriro z’uku kwezi kwa gatatu.

Uyu munyarwandakazi yahanaguweho ibyaha by’intambara no gukora genocide kandi ari byo abashinjacyaha bashingiragaho bamusabira gufungwa burundu.

Umuvugizi w’ubushinjacyaha Van Der Zanden avuga bahisemo inzira yo kujurira kuko ngo bafite gihamya y’uko Basebya Yvonne yagize uruhare runini muri Genocide yakorewe abatutsi.

Basebya ashinjwa ubufatanyacyaha mu rupfu rw’abatutsi 110 bari bahungiye kuri Kiliziya y’Aba Palloti i Gikondo mu mujyi wa Kigali.
Yvonne Basebya yageze mu Buholandi akurikiyeyo umugabo we Augustin Basebya wanabaye umugenzacyaha mu rukiko rw’Arusha –TPIR. Bageze mu Buholandi mu mwaka w’1998, nyuma mu mwaka w’2004 nibwo Yvonne Basebya yahawe ubwenegihugu bw’u Buholandi.

Inkiko zo mu Buholandi zifite ububasha bwo gucira imanza abenegihugu cyangwa se abanyamahanga bakekwaho gukora genocide, mu gihe ariko iyi genocide ngo yakozwe nyuma y’Ukwakira 1970. Ibi bigashingira ku itegeko rishya ryongerera ububasha ubushinjacyaha ku byaha by’indengakamere.

AFP yanzura iyi nkuru ivuga inkiko z’ubujurire mu Buholandi, muri Nyakanga 2011 zakatiye gufungwa burundu umunyarwanda
Joseph Mpambara, nyuma yo guhamwa n’ibyaha by’intambara. Yakoreye mu Rwanda mu m 1994. Naho itegeko rishya kuri genocide aho mu Buholandi rizatangira gukurikizwa mu kwezi gutaha uyu mwaka.

Orinfor

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO