Kwamamaza

U Rwanda ku buyobozi bw’akanama gashinzwe amahoro ku isi ka Loni

Yanditswe kuya 1-04-2013 saa 08:56' na Kayonga J.
     


Kuri iyi tariki ya 1 Mata u Rwanda rwasimbuye u Burusiya mu kuyobora akanama gashinzwe amahoro ku isi ka Loni, nyuma y’amezi atatu rumaze rubaye umunyamuryango udahoraho wako.
Uyu mwanya w’ubuyobozi u Rwanda ruzamaraho igihe cy’ukwezi kumwe gusa, usimburanaho ibihugu bigize akanama gashinzwe amahoro ku isi hakurikijwe uko inyuguti zitangira izina rya buri gihugu zikurikirana mu Cyongereza.
U Rwanda ruhagarariwe muri Loni na Eugène-Richard Gasana rwatorewe kuba umunyamuryango w’akanama (...)

Kuri iyi tariki ya 1 Mata u Rwanda rwasimbuye u Burusiya mu kuyobora akanama gashinzwe amahoro ku isi ka Loni, nyuma y’amezi atatu rumaze rubaye umunyamuryango udahoraho wako.

Uyu mwanya w’ubuyobozi u Rwanda ruzamaraho igihe cy’ukwezi kumwe gusa, usimburanaho ibihugu bigize akanama gashinzwe amahoro ku isi hakurikijwe uko inyuguti zitangira izina rya buri gihugu zikurikirana mu Cyongereza.

U Rwanda ruhagarariwe muri Loni na Eugène-Richard Gasana rwatorewe kuba umunyamuryango w’akanama gashinzwe amahoro ku isi tariki 18 Ukwakira, rwegukana amajwi 148 ku 193 y’ibihugu byari byatoye muri rusange, bityo ruba rubonye amajwi arenga 2/3 biba bisabwa kugirango igihugu gitorerwe kuba umunyamuryango w’akanama gashinzwe amahoro ku isi ka Loni kagizwe n’ibihugu 15.

Muri aka kanama kagizwe n’ibice bibiri birimo icy’ibihugu bitanu bifite icyicaro gihoraho n’icumi bifite icyicaro kidahoraho, inshingano z’u Rwanda ku buyobozi bw’aka kanama mu gihe cy’ukwezi zirimo gutanga umurongo w’ibigomba kwigwaho, kuyobora inama ndetse no gukurikirana ikemurwa ry’ikibazo icyo aricyo cyose ku isi.

Ibihugu bifite icyicaro gihoraho muri Loni birimo U Bufaransa, USA, U Burusiya, U Bwongereza n’u Bushinwa, naho ibifite icyicaro kidahoraho kuri ubu birimo u Rwanda, Argentine, Luxembourg, Koreya y’Amajyepfo, Azerbaijan, Maroc, Guatemala, Pakistan na Australia.

Mu nshingano z’akanama gashinzwe amahoro ku isi harimo gushyiraho imitwe ishinzwe kubungabunga amahoro ku isi, gufatira ibihano ibihugu cyangwa abantu runaka ku rwego rw’isi, ndetse no gutanga uburenganzira ku kugaba ibitero aho bibaye ngombwa.

Manda y’u Rwanda mu kanama gashinzwe amahoro ku isi izarangira mu mwaka wa 2014.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved