U Rwanda n’u Burundi byasubiye inyuma ku rutonde rwa RSF

Yanditswe na Nsabimana Emile
Kuya 31 Mutarama 2013 saa 11:44
Yasuwe :
0 0

Ishyirahamwe riharanira uburenganzira bw’abanyamakuru ry’abanyamakuru batagira umupaka RSF (Reporters Sans Frontières), ryashyize ahagaragara icyegeranyo cy’uko ibihugu bikurikirana mu kubahiriza uburenganzira bw’itangazamakuru; aho ibihugu by’u Rwanda n’u Burundi byasubiye nyuma.
U Rwanda rwasubiye inyuma ho imyanya itanu ugereranyije n’icyegerayo cy’umwaka wa 2011, RSF bakaba bavuga ko mu Burundi no mu Rwanda ubwisanzure bw’itangazamakuru bugenda burushaho gusubira inyuma.
N’ubwo Leta y’u Rwanda (...)

Ishyirahamwe riharanira uburenganzira bw’abanyamakuru ry’abanyamakuru batagira umupaka RSF (Reporters Sans Frontières), ryashyize ahagaragara icyegeranyo cy’uko ibihugu bikurikirana mu kubahiriza uburenganzira bw’itangazamakuru; aho ibihugu by’u Rwanda n’u Burundi byasubiye nyuma.

U Rwanda rwasubiye inyuma ho imyanya itanu ugereranyije n’icyegerayo cy’umwaka wa 2011, RSF bakaba bavuga ko mu Burundi no mu Rwanda ubwisanzure bw’itangazamakuru bugenda burushaho gusubira inyuma.

N’ubwo Leta y’u Rwanda yagerageje gukora byinshi byo guteza imbere itangazamakuru birimo kuvugurura amategeko, ntibyarwigije imbere ku rutonde rwa RSF ahubwo rwasubiye inyuma.

U Burundi cyo cyasubiye inyuma ugereranyije no mu myaka yashize nk’uko BBC dukesha iyi nkuru ibitangaza, ibi bigaterwa ahanini n’ihamagazwa rya hato na hato ryagiye rikorwa ku bayobozi b’amaradiyo yigenga bagahatwa ibibazo. Iki gihugu kiri mwanya w’131 mu bihugu 179.

Ikindi cyasubije u Burundi inyuma ni urubanza rw’umunyamakuru Hassan Ruvakuki, iri shyirahamwe rikaba ryarerekanye ko abakora itangazamakuru mu Burundi basigaye bafite ubwisanzure budahagije.

Igihugu kiza imbere muri Afurika ku rutonde rwa RSF ni Namibia, naho ikiza inyuma ku rwego rw’Isi ni Eritrea na cyo cyo ku mugabane wa Afurika.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza