U Rwanda n’u Buyapani barishimira ubufatanye mu kubaka ikigo cy’amahugurwa

Yanditswe na Nsabimana Emile
Kuya 5 Gashyantare 2013 saa 04:42
Yasuwe :
0 0

Minisitiri w’Ingabo Kabarebe James, kuri uyu wa gatanu Gashyantare 2013 yakiriye Ambasaderi Kunio Hatanaka w’u Buyapani waje kumusezera.
Ambasaderi Hatanaka yatangarije abanyamakuru ko mu myaka itatu yari amaze mu Rwanda yishimiye ibikorwa bafatanyije na Minisiteri y’Ingabo birimo kubaka ishuri rya Rwanda Peace Academy i Musanze rihugura ku kubungabunga umutekano n’amahoro. Ati “Naje gusezera Minisitiri Gen James Kabarebe. Twakoranye neza mu kubaka ishuri rya “Rwanda Peace Academy”, (...)

Minisitiri w’Ingabo Kabarebe James, kuri uyu wa gatanu Gashyantare 2013 yakiriye Ambasaderi Kunio Hatanaka w’u Buyapani waje kumusezera.

Ambasaderi Hatanaka yatangarije abanyamakuru ko mu myaka itatu yari amaze mu Rwanda yishimiye ibikorwa bafatanyije na Minisiteri y’Ingabo birimo kubaka ishuri rya Rwanda Peace Academy i Musanze rihugura ku kubungabunga umutekano n’amahoro. Ati “Naje gusezera Minisitiri Gen James Kabarebe. Twakoranye neza mu kubaka ishuri rya “Rwanda Peace Academy”, nishimiye ko ntashye ryaruzuye n’amahugurwa yaratanzwe.”

Minisitiri Kabarebe na Ambasaderi Hatanaka

Ambasaderi Hatanaka yavuze ko abazamusimbura bazakomeza gukorana neza na Minisiteri y’Ingabo mu bufatanye bwo gukomeza guteza imbere ikigo cya Rwanda Peace Academy gihugura abasivili n’abasirikari mu kubungabunga amahoro mu karere u Rwanda ruherereyemo no ku Isi.

Ambasaderi Hatanaka mu kiganiro na Minisitiri Kabarebe

Brig Gen Joseph Nzabamwita, umuvugizi w’Ingabo z’u Rwanda, yadutangarije ko mu nyaka itatu Ambasaderi Hatanaka yari amaze mu Rwanda ari mu bafashije mu kubaka ‘Rwanda Peace Academy’, ikigo bafata nk’umurage mwiza mu kugarura amahoro.

Yagize ati “Minisitiri w’Ingabo yamushimiye uruhare yagize nk’umuntu ku giti cye n’uruhare igihugu cy’u Buyapani cyafashije mu kubaka Rwanda Peace Academy. Cyari n’igikorwa cyo gushimira no kumusezeranya ko bazakomeza ubufatanye.”

Aha hari mu gutangiza kubaka Rwanda Peace Academy

Brig Gen Nzabamwita yavuze ko ari ikimenyetso cy’umubano mwiza cyo kwishimira, bikaba byaragaragariye mu bikorwa bifatika.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza