Kwamamaza

ULK: Gusinya imihigo bizafasha kongera ireme ry’uburezi

Yanditswe kuya 15-01-2013 saa 08:39' na Rene Anthere Rwanyange
     


Mu rwego rwo kongera imbaraga no kurushaho kunoza intego Kaminuza yigenga ya Kigali (ULK) yiyemeje, ku wa mbere tariki ya 14 Mutarama, abakozi bose bahize gutunganya imirimo bashinzwe. Icyagarutsweho na Perezida akaba n’uwashinze ULK, Prof. Dr. Rwigamba Balinda ni uko nta kosa na rimwe bazihanganira muri uyu mwaka.
Prof. Dr. Rwigamba Balinda yasabye abakozi bose ba ULK bagomba gusinya imihigo ko bagomba gukora ibishoboka byose Kaminuza yabo igahinduka icyitegererezo mu karere k’umutima wa (...)

Mu rwego rwo kongera imbaraga no kurushaho kunoza intego Kaminuza yigenga ya Kigali (ULK) yiyemeje, ku wa mbere tariki ya 14 Mutarama, abakozi bose bahize gutunganya imirimo bashinzwe. Icyagarutsweho na Perezida akaba n’uwashinze ULK, Prof. Dr. Rwigamba Balinda ni uko nta kosa na rimwe bazihanganira muri uyu mwaka.

Prof. Dr. Rwigamba Balinda yasabye abakozi bose ba ULK bagomba gusinya imihigo ko bagomba gukora ibishoboka byose Kaminuza yabo igahinduka icyitegererezo mu karere k’umutima wa Afurika, haba mu gutanga ubumenyi, kugira abakozi bashoboye kandi igomba kuba intangarugero mu kugera ku ntego yihaye. Yagize ati “Nta mpamvu yo guta igihe mu bidafite umumaro. Abatugana mwibuke ko ari abami n’abamikazi bacu, tugomba kubacyeza. Musabwa kurangwa n’umucyo, inseko nziza, kuvuga ibifite agaciro kandi bakagira umutima wo kuzigama birinda gusesagura ibyo bagezeho.”

Yakomeje asaba abakozi kurangwa n’umuhate n’ubwitange mu mirimo bashinzwe kandi bakirinda amakosa. Yagize ati “Uyu mwaka nta kosa tuzihanganira na rimwe, nta mikino, iki si ikigo cyo gukiniramo. Twese duhuze imbaraga tugere ku ntego twiyemeje.” Yabasabye kugira ubunyangamugayo mu byo bakora byose, kuzuzanya mu kazi no kungurana ibitekerezo, guharanira kugera ku ntego biyemeje, bakarangwa no gukora umurimo unoze, ufite ireme n’agaciro.

Dr. Sekibibi Ezechiel, Umuyobozi wa ULK, atangaza ko imihigo izabafasha gukora isuzumamikorere ku bakozi kuko buri wese asinyira icyo azakora kandi buri wese akabigiramo uruhare. Ati “Bizadufasha kandi kumenya igipimo cyo gutanga serivisi nziza ku batugana uko gihagaze, buri wese yarabigizemo uruhare.” Akomeza avuga ko nta kosa nta rimwe rigomba kwihanganirwa bizatuma buri wese akoresha ingufu zose kugira ngo akazi asabwa gatungane. Asaba abakozi guhigura imihigo bahize.

Habumugisha Titien, Umuyobozi w’ishami ry’amategeko muri ULK, umwe mu basinye imihigo, atangaza ko igikorwa bakoze gikomeye cyane. Yagize ati “Hari guhita, gusezeranya no kwiyemeza kugera ku byo twasezeranye” Akomeza avuga ko muri ULK byari byaratinze kuko aho byagiye bikoreshwa byatanze umusaruro mwiza. Avuga ko kandi imihigo basinye izagira icyo ihindura gikomeye cyane mu ireme ry’uburezi.

Imihigo yashyizweho umukono muri ULK ni iy’amezi atandatu, nyuma yayo hazakorwa isuzumamikorere kugira harebwe intambwe bagezeho, ibitarashoboye kugerwaho hafatwe izindi ngamba.

Igikorwa mu mafoto

Igikorwa cyabimburiwe n'isengesho
Prof. Dr. Rwigamba Balinda atanga impanuro
L-R: Dr Ndahiriwe Kasai Umuyobozi wungirije Ushinzwe ubushakashatsi (Master's), Dr Sekibibi Ezechiel Umuyobozi wa ULK, Prof Dr Rwigamba Balinda Perezida akaba ari na we washinze ULK, Nyirashyirambere Marie Louise Umuyobozi wungirije ushinzwe imari na Okoko Osambo Umuyobozi wungirije ushinzwe amasomo
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved