IGIHE.com > Amakuru > U Rwanda
Umugoroba wo Kwibuka ku nshuro ya 19 Jenoside yakorewe Abatutsi

Umugoroba wo Kwibuka ku nshuro ya 19 Jenoside yakorewe Abatutsi


Yanditswe kuya 7-04-2013 - Saa 16:52' na IGIHE

Ubu ni saa kumi n’iminota cumi n’icyenda, abitabiriye umugoroba wo kwibuka batangiye kwinjira muri Stade Amahoro i Remera, abandi bagiye gufatanya na Perezida wa Repubulika urugendo rwo kwibuka rwatangiriye ku Ngoro y’Inteko Ishinga Amategeko.

Perezida wa Repubulika Paul Kagame mu rugendo "Walk to Remember"

Abageze muri Stade ubu barakurikirana indirimbo n’ubuhamya butandukanye bwo mu myaka ishize. Mu bamaze kugera muri Stade uretse abaturage basanzwe harimo bamwe mu bagize Guverinoma, abadepite, Umuyobozi w’Umujyi wa Kigali Fidel Ndayisaba, abayobozi b’uturere tugize Umujyi wa Kigali n’abandi.

16:55

Abazi Stade Amahoro uko yubatse, ubu umwanya 1,2,17, 18, 19 yo yamaze kuzura kandi abntu baracyakomeza kwiyongera umunota ku wundi, baba Abanyarwanda ubwabo ndetse n’inshuti z’u Rwanda.

17:30

Perezida wa Repubulika n’abari kumwe na we mu rugendo rwo kwibuka binjiye muri Stade Amahoro.

17:33

Perezida wa Repubulika Paul Kagame aherekejwe na Minisitiri w’Umuco na Siporo Mitali Protais n’Umuyobozi w’Umujyi wa Kigali Fidel Ndayisaba bageze mu myanya y’icybahiro.

Ubu harimo indirimbo ya Mibirizi Munyashoza Dieudonne "Twigirire icyizere cyo kubaho". Hakurikiyeho indirimbo ya Kizito Mihigo "Ijoro ribara uwariraye". Indirimbo ya Kizito Mihigo "Iyaba Abanyahanga bacaga bugufi". Indirimbo ya Mibirizi "Rwanda komeza weme"

17:57

Perezida wa Repubulika agiye guha urubyiruko urumuri rw’icyizere. Perezida wa Repubulika ahaye urumuri urubyiruko urumuri rw’icyizere, bibabera urumuri mu kwigirira icyizere cyo kwigira.

Perezida Paul Kagame aha urubyiruko urumuri rw'icyizere

18:00

Abitabirye umugoroba wo kwibuka kuri Stade Amahoro barahererekanya urumuri rw’icyizere.

18:04

Urubyiruko ruravuga amazina ijana y’abantu bibukwa. Baravuga ko bazagera ikirenge mu cyabo, ibikomere by’abanyarwanda bizomorwa na njye na we twese dufatanije, kubiba urwango mu bana b’Abanyarwanda byangije umuco w’urukundo n’ubufatanye, mfasha kubaho duhuze intero n’ingendo nigobotore agahinda natewe no kubura abanjye, umurage dukwiye guha abana badukomokaho ni ukubabwira amateka nyayo y’u Rwanda bizabafasha kubaho, kwibuka Jenoside yakorewe Abatutsi ntibizahagarara twibuka ariko twiyubaka. Intego yacu ni imwe ubutumwa dufite ni bumwe ni ugushishikariza isi yose kurwanya Jenoside n’ibindi byose byibasira inyoko muntu. Dufatane urunana tuzirikana abacu twabuze tubaheshe icyubahiro duharanira gukora ibyiza, umugabo arigira yakwibura agapfa, reka turangwe n’indoto nziza ariko tunakore cyane tuzigereho vuba. Turiho dufite ubuzima dufite indoto kandi dufite icyizere cyo kubaho neza. Ntwagera ku byiza adahagurutse ngo abikorere iryo ni ryo hame ritugenga. Imbogamizi n’ibibazo ntibyabura ariko tuzirikane intego yo kwigira, intambwe tumaze gutera ni yo ndende dukomeze duharanire iterambere ry’u Rwanda duharanira ejo heza, ubu noneho dushobora kwihangira ejo hazaza heza ari na ko twubaka amateka y’u Rwanda. Kumenya intego yacu biduha umwete wo kwihuta mu kuyigeraho, Urubyiruko ni rwo shingiro y’impinduka mu rwanda ntitwakongera kwemera kuba ibitambo by’amateka. Ayo ni amwe mu magambo avugwa n’urubyiruko mu kwibuka.

18:14

Indirimbo y’umuhanzi Kizito Mihigo "Umujinya mwiza."

18:24

Ubutumwa bw’umuryango uharanira inyungu z’abacitse ku icumu rya Jenoside Ibuka, butangwa na Dr Dusingizemungu Jean Pierre, ati "Babatwaye imibiri ariko muri twe baracyarimo" Ashimira Perezida wa Repubulika uburyo yita ku bibazo by’abacitse ku icumu birimo iby’ubutabera, ubuzima, imibereho, uburezi n’ibindi.

18:38

Indirimbo ya Army Band "Ntituzabibagirwa".

18:42

Indirmbo ya Mibirizi Munyanshoza Dieudonne "Twarabakundaga".

18:50

Igice cya mbere cy’umugoroba wo kwibuka kirasojwe. Hakurikiyeho indirimbo zitandukanye.

Harimo Chorale Rehoboth, Ambassadors, Marie Jeanne, Grace, Kizito Mihigo, Eric Senderi Hit, Munyanshoza Dieudonné.

Bitangajwe ko Perezida wa Repubulika atanze ikiruhuko ku munsi w’ejo ku wa mbere tariki ya 8 Mata 2013.

Ubu indirimbo z’abahanzi banyuranye ziracyakomeza. Ubu harimo kuririmba Chorale Christus Regnat.

20:07

Umuhango urasojwe.

Bacanye igishyito
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO