Kwamamaza Tigo_ digital garden

Umujyi wa Kigali mu isuzuma ry’imikorere y’amashuri

Yanditswe kuya 22-01-2013 saa 16:38' na Emmanuel Kanamugire
     


Kuva mu Ukwakira 2012, ubugenzuzi bw’amashuri mu Mujyi wa Kigali buri mu igenzura mu mashuri abanza n’ayisumbuye, rigamije kumenya uko ibigo by’amashuri bikurikiza indangagaciro z’uburezi, ibigo bibiri bizagira amanota ya mbere bikazahabwa igihembo.
Kuri uyu wa 22 Mutarama, hasuwe bimwe mu bigo biherereye mu Murenge wa Kacyiru na Kimihururura, harebwa inyubako, imiyoborere y’ikigo, ibikoresho by’ishuri n’ibindi, ibigo bimwe ugasanga bigifite imbogamizi mu gutanga uburezi bwiza.
Ibibazo byiganje (...)

Kuva mu Ukwakira 2012, ubugenzuzi bw’amashuri mu Mujyi wa Kigali buri mu igenzura mu mashuri abanza n’ayisumbuye, rigamije kumenya uko ibigo by’amashuri bikurikiza indangagaciro z’uburezi, ibigo bibiri bizagira amanota ya mbere bikazahabwa igihembo.

Kuri uyu wa 22 Mutarama, hasuwe bimwe mu bigo biherereye mu Murenge wa Kacyiru na Kimihururura, harebwa inyubako, imiyoborere y’ikigo, ibikoresho by’ishuri n’ibindi, ibigo bimwe ugasanga bigifite imbogamizi mu gutanga uburezi bwiza.

Ibibazo byiganje mu bigo byasuwe, G S Kacyiru ya kabiri, ES Kacyiru, GS Rugando, ni isuku nke, kudategura amasomo kw’abarimu no kutagira ibitabo cyane cyane iby’ururimi rw’igiswahili.

Irindi shuri ryasuwe, IFBK riherereye mu Murenge wa Kacyiru, rifite intege nke mu micungirwe yaryo no kugira abanyeshuri bake batarenga 74 n’abarimu batatu badafite aho bategurira amasomo, ibitabo byo kwigishirizamo, n’ibindi bibazo byatumye itsinda ryasuraga rikemanga ireme ry’uburezi buhatangirwa.

JPEG - 120.9 kb
Ku ishuri rya La Colombière basanze rifite ibyangombwa

Naho ku ishuri rya La Colombière, ryabaye icyitegererezo mu yasuwe haba ku isuku, imyigishirize ituma ritsindisha cyane abanyeshuri bakora ibizamini bya Leta.

Umugenzuzi w’Uburezi mu Mujyi wa Kigali, Yankurije Marthe, yatangaje ko muri rusange ibigo by’amashuri byivuguruye mu kugira isuku ariko ko bisabwa kongera ibitabo mu masomero n’ibindi bikoresho nkenerwa, no kunoza imicungire y’abakozi.

Yankurije Yasabye abayobozi b’ibigo by’amashuri kwegera Minisiteri y’Uburezi ikabaha ibikorwesho hagamijwe kunoza imikorere.

Umugenzuzi w’Uburezi mu Mujyi wa Kigali yavuze ko nyuma y’iri genzura ibigo bibiri bizagaragaza ko byitwaye neza bizahembwa hakaba hateganyijwe n’inama y’uburezi izagaragaza ibitagenda neza bikwiye gukosorwa.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved