IGIHE.com > Amakuru > U Rwanda
Umukingo wagwiriye umuryango wose urazima

Umukingo wagwiriye umuryango wose urazima


Yanditswe kuya 1er-04-2013 - Saa 20:01' na Vestine Umurerwa

Umuryango w’umugabo w’uwitwaga Biregeya Jean bosco w’imyaka 26 na Musabyimana Francine nawe w’imyaka 23, n’umwana wabo Cedric wagwiriwe n’inzu bose bitaba Imana mu cyumweru gishize.

Nk’uko abaturage bari baturanye n’uyu muryango babwiye IGIHE ; aba bantu bari batuye ahantu hatari ku manga buryo byari kubabaviramo urupfu, ahubwo kuberako inzu yabo yari yubakishishe amatafari ya rukarakara yariyaragiyemo amazi buhoro buhoro uko imvura igwa nibwo umukingo ufite nka metero imwe wahirimiye inzu baryamye ugwira urukuta rugwira ku cyumba abo ba nyakwigendera bararagamo.

Gusa ngo bikimara kubaho abaturanyi ntibabimenye, ahubwo babibonye ku mugoroba ukurikiyeho ; aho hari uwari ugiye kubasuhuza agasanga igikuta cyaguye, arebye abona akaboko k’uyu Biregeya mu bitaka ahita ahuruza bataburuye bahasangamo n’uyu wari umufashawe n’umwana wabo.

Ubwo bashyinguraga uyu muryango uwari uhagarariye Akarere ka Gicumbi, Sindayigaya Eduard ushinzwe umutekano, yihanganishije abaturage, ababwira ko umwana warokotse kuko yari yagiye kwa nyirakuru, Akarere kazamufasha.

Akarere katangaje ko kazamuha inka yo kumukamirwa, mitiweli ndetse kakamuba hafi mu masomo ye kuko itorero rya EPR, nyina yasengeragamo ryemeye kuzamufasha mu mashuli ye kugeza arangije ayisumbuye.

Umunyamabanga nshingwabikorwa w’umurenge wa Rukomo Bayingana Jean Marie Vianey, yabwiye abaturage ko bagomba kwimuka bagatura ahantu hadahanamye ku mudugudu, kugira ngo hatazagira ubura ubuzima bitewe n’ibiza bitunguranye.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO