Umunsi Mpuzamahanga w’ibidukikije

Yashyizweho kuya 13-07-2012 - Saa 10:18' na Olivier Muhirwa

• Tweet

Umunsi Mpuzamahanga w’Ibidukikije wizihizwa buri mwaka tariki ya 05 Kamena . Uwo munsi washyizweho n’ Umuryango w’Abibumbye mu mwaka wa 1972, akaba ari imwe mu nzira uwo muryango wifashisha mu gushishikariza isi yose kwita ku bidukikije hitawe cyane cyane ku bafata ibyemezo. Buri mwaka, u Rwanda rwifatanya n’Isi yose mu kwizihiza Umunsi Mpuzamahanga w’Ibidukikije. Kuri uwo munsi hasozwa kandi Icyumweru cyahariwe Kwita ku Bidukikije mu Rwanda. Icyo cyumweru kirangwa ahanini n’ibikorwa bigamije gukangurira Abaturarwanda kwitabira kurengera, guteza imbere no kubungabunga ibidukikije kimwe mu bikorwa bizatugeza ku majyambere arambye. Iyi cyumeru ndetse n’uwo munsi byabereye mu bice bitandukanye by’Igihugu.